ދަނޑުވެރިކަމުގެ ދާއިރާއިން އެހީ ހޯދުމަށް އަންކާރާ ޔުނިވަރސިޓީއާ މަޝްވަރާކޮށްފި

ރާއްޖޭގައި ކާނާގެ ރައްކާތެރިކަން ކަށަވަރުކުރުމަށް ދަނޑުވެރިކަން އިތުރަށް ހަރުދަނާކުރުމާ ގުޅޭ ގޮތުން ތުރުކީގެ އަންކާރާ ޔުނިވާރސިޓިއާއެކު މަޝްވަރާކޮށްފިއެވެ. 

އަންކާރާ ޔުނިވާރސިޓީއާއެކު ބޭއްވި މި ބައްދަލުވުމުގައި ވަޒީރު ޑރ. މަރިޔަމް މާރިޔާ ވަނީ ދަނޑުވެރިކަން އިތުރަށް ހަރުދަނާކޮށް ފުޅާކުރުމަށް ކުރެވޭނީ ކޮންކަންކަމެއްތޯ މަޝްވަރާކުރަށްވާފައެވެ. ވަރޗުއަލްކޮށް ބޭއްވި މި ބައްދަލުވުމުގައި ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. މަރިޔަމް މާރިޔާއާއި، ރާއްޖެއިން ތުރުކިޔޭއަށް ކަނޑައަޅުއްވާފައި ހުންނަވާ ސަފީރު އަބްދުލް ރަހީމް އަބްދުލް ލަތީފާއި އަންކަރާ ޔުނިވަރސިޓީގެ ރެކްޓަރ ނެކްޑެޓް އުނުވަރ ބައިވެރިވެވަޑައިގަންނަވާފައިވެއެވެ.

Minister Dr Maryam Mariya @mmaryambu recently held a virtual meeting with Mr. Necdet Ünüvar @necdetunuvar the Rector and team of Ankara University @AnkaraUni , joined by the Maldives Ambassador to Turkey, Mr Abdul Raheem Abdul Latheef. The discussions focused on enhancing food… pic.twitter.com/wgNOsiLcMo

— Ministry of Agriculture and Animal Welfare (@MAAWmv) March 11, 2025

ވަޒީރު ޑރ.މާރިޔާ އަންކާރާ ޔުނިވަރސިޓީއާއެކު ބޭއްވެވި ބައްދަލުވުމުގައި ޖަނަވާރުންނަށް ދޭ މިފަދަ ޚިދުމަތްތަކަށްވެސް އެ ޔުނިވަރސިޓީގެ އެހީތެރިކަން ހޯދުމަށް ވަނީ މަޝްވަރާކުރައްވާފައެވެ. 

އަންކާރާ ޔުނިވަރސިޓީއަކީ ޖަނަވާރުންނަށް ޖެހޭ ބަލިތައް ދެނެގަނެ ފަރުވާދީ ބެލެހެއްޓުމުގައި ކާމިޔާބު ޔުނިވަރސިޓީއެކެވެ. އެ ޔުނިވަރސިޓީގައި ވެޓެރިނަރީ ފެސިލިޓީ 1842 ވަނަ އަހަރު ޤާއިމުކޮށްފައި ވާއިރު، މި ޚިދުމަތުން ފާހަގަކޮށްލެވޭ ކާމިޔާބީތަކެއް އަންކާރާ ޔުނިވާރސިޓީއިން ވަނީ ހޯދާފައެވެ.