ފެލިދޫ ފެނާއި ނަރުދަމާގެ މަސައްކަތް ނިންމައި ހަވާލުކޮށްފި

ވ. ފެލިދޫ ފެނާއި ނަރުދަމާގެ މަސައްކަތް ނިންމައި އެތަން އޮޕަރޭޓް ކުރާ ފަރާތާއި ހަވާލުކޮށްފިއެވެ. 

މި މަޝްރޫޢަކީ  އެގްޒިމް ބޭންކް އޮފް އިންޑީއާގެ ލައިން އޮފް ކޮރެޑިޓްގެ ދަށުުން ކަލްޕަތަރު ޕްރޮޖެކްޓްސް އިންޓަރނޭޝަނަލް ލިމިޓެޑްގެ ފަރާތުން ކުރިއަށް ގެންދިޔަ މަޝްރޫޢެކެވެ.

މި މަޝްރޫޢުގެ ދަށުން 35 ޓަނުގެ 2 އާރޯ ޕްލާންޓާއި، 265 ޓަނުގެ ބޯފެން ރައްކާކުރާ 2 ޓޭންކާއި، 500 ޓަނުގެ ވާރޭ ފެނަ ރައްކާކުރާ 1 ޓޭންކާއި، 2 ނަރުދަމާ ޕަންޕިން ސްޓޭޝަނާއި، 4.2 ކިލޯ މީޓަރުގެ ފެނުގެ ވިއުގައަކާއި 3.7 ކިލޯ މީޓަރުގެ ނަރުދަމާ ވިއުގައިގެ އިތުރުން 30 ކިލޯވޯޓުގެ ސޯލާ ޕެނަލްއެއް ޤާއިމް ކޮށްފައިވެެއެވެ.

ފެލިދޫ ކައުންސިލުން ބުނެފައިވަނީ ފެނާއި ނަރުދަމާގެ މަސައްކަތް ނިމި މިހާރު ޚިދުމަތް ދޭން ފަށާފައިވާނެ ކަަމަށާއި ނަމަވެސް އަދި އެއްވެސް ފީއެއް ނަގަން ފަށާފައި ނުވާ ކަމަށެވެ.

މި މަސައްކަތް ފަށާފައި ވަނީ 2022 ޖެނުއަރީ މަހުގެ ތެރޭގައެވެ. އަދި 2024 ޑިސެންބަރު މަހު މި މަސައްކަތް ނިމިފައިވާ ކަމަށް ފެލިދޫ ކައުންސިލުން ބުނެފައިވެއެވެ.