Ads by Exprox

ޚަބަރު

އިމިގްރޭޝަންގެ އަންހެން އޮފިސަރުންގެ ރެއިޑް އޮޕަރޭޝަނެއްގައި 17 ބިދޭސީން ހިފަހައްޓައިފި

އިމިގްރޭޝަންގެ އަންހެން އޮފިސަރުންގެ ރެއިޑް އޮޕަރޭޝަނެއްގައި 17 ބިދޭސީން ހިފަހައްޓައިފި

އިމިގްރޭޝަންގެ އަންހެން އޮފިސަރުންތަކެއް ބިދޭސީއަކު ގެންދަނީ/ފޮޓޯ: މޯލްޑީވްސް އިމިގްރޭޝަން

13 މާރިޗު 2025، 11:34

ބައިނަލްއަޤްވާމީ އަންހެނުންގެ ދުވަހުގެ މުނާސަބަތުގައި، މޯލްޑިވްސް އިމިގްރޭޝަންގެ އަންހެން އޮފިސަރުން ކުރިއަށް ގެންދިޔަ ރެއިޑް އޮޕަރޭޝަނެއްގައި 17 ބިދޭސީން ހިފަހައްޓައިފިއެވެ.

މޯލްޑިވްސް އިމިގްރޭޝަނުން ވިދާޅުވީ، މި އަހަރުގެ އަންހެނުންގެ ދުވަހާއި ގުޅުވައިގެން އަންހެން އޮފިސަރުން ގުޅިގެން ޚާއްޞަ އޮޕަރޭޝަނެއް ހިންގާފައިވާ ކަމަށެވެ. އަދި މި އޮޕަރޭޝަންގެ ދަށުން ބިދޭސީންނަށް ޚާއްޞަ އެކޮމޮޑޭޝަން ބްލޮކަކާއި، ކެފޭއެއްގެ އިތުރުން، ހުޅުމާލޭ ފިހާރައެއް ބަލާ ފާސްކޮށްފައިވާ ކަމަށެވެ.

މި އޮޕަރޭޝަންގެ ދަށުން، ދިވެހިރާއްޖޭގައި ޤަވާއިދާއި ޚިލާފަށް އުޅެމުންދާ 17 ބިދޭސީއަކު އެ އިދާރާގެ ބެލުމުގެ ދަށަށް ގެނެސްފައިވާ ކަމަށް އިމިގްރޭޝަނުން ވަނީ ވިދާޅުވެފައެވެ. މީގެ އިތުރުން އެ އިދާރާއިން ވިދާޅުވީ، އިމިގްރޭޝަންގެ އެންފޯސްމެންޓް އެންޑް ކޮމްޕްލެޔަންސް ޑިވިޝަންގައި މަސައްކަތްކުރާ އަންހެން އޮފިސަރުން ދައްކުވައިދެމުންދާ ހިތްވަރާއި ލީޑަރޝިޕަކީ އެކަމަށްޓަކައި ތަޢުރީފާއިި ޝުކުރު ހައްގު މަސައްކަތެއް ކަމަށެވެ.

ރާއްޖޭގައި ޤަވާއިދާއި ޚިލާފަށް އުޅެމުންދާ ބިދޭސީން ހޯދުމަށް އިމިގްރޭޝަނުން ދަނީ ރާއްޖޭގެ އެކި ކަންކޮޅުތަކުގައި ރެއިޑް އޮޕަރޭޝަންތައް ހިންގަމުންނެވެ. އަދި މި އޮޕަރޭޝަންގެ ދަށުން މިހާރު ވަނީ އެތައް ބިދޭސީންނެއް އަތުލައިގަނެފައެވެ. އިމިގްރޭޝަނުން ވިދާޅުވީ، މި މަސައްކަތުގެ ނަތީޖާއެއްގެ ގޮތުން މިހާރު ރާއްޖޭގައި ޞައްޙަ ވިސާއާއެކު މަސައްކަތްކުރާ ބިދޭސީން ގެ އަދަދު އިތުރުވެފައިވާ ކަމަށެވެ.

މި ލިޔުން ކިޔާލުމުން

Ads by MSS