Ads by Exprox

ޚަބަރު

މާލެއިން އަންހެނަކު ގެއްލިގެން އޭނާ ހޯދުމުގެ މަސައްކަތް ފުލުހުން ފަށައިފި

މާލެއިން އަންހެނަކު ގެއްލިގެން އޭނާ ހޯދުމުގެ މަސައްކަތް ފުލުހުން ފަށައިފި

ގެއްލިގެން ހޯދަމުންދާ އުމުރުން 31 އަހަރުގެ ޙައްވާ ޙަސަން، ފޮޓޯ: ޕޮލިސް

މިފްތާޙް މުޙައްމަދު

މިފްތާޙް މުޙައްމަދު

13 މާރިޗު 2025، 11:59

13 މާރިޗު 2025، 11:59

މާލެއިން އަންހެނަކު ގެއްލިގެން ރިޕޯޓުކުރުމާ ގުޅިގެން އޭނާ ހޯދުމުގެ މަސައްކަތް ފަށާފައިވާކަމަށް ފުލުހުން ހާމަކޮށްފިއެވެ.

ފުލުހުން ހާމަކޮށްފައިވާ ގޮތުގައި، ގެއްލިގެން ހޯދަމުން ދަނީ، ހ. ބްލޫލޫން، މާލެ، އުމުރުން 31 އަހަރުގެ ޙައްވާ ޙަސަންއެވެ.

ޙައްވާ ޙަސަން ގެއްލިގެން ފުލުހުންނަށް ހުށަހެޅީ މި މަހުގެ 8 ދުވަހުކަމަށް ވެސް ފުލުހުން ހާމަކޮށްފައިވެއެވެ. 

ފުލުހުން އިތުރަށް ބުނީ މި މައްސަލަ ފުލުހުންނަށް ރިޕޯޓްކުރުމާއެކު އޭނާ ހޯދުމަށްޓަކައި ފުލުހުންގެ ކަމާގުޅުންހުރި އެންމެހައި ބަހާތަކަށް މައުލޫމާތު ހިއްސާކުރި ކަމަށެވެ. ނަމަވެސް އޭނާ ހޯދުމަށް މިހަތާނަށް ކުރެވުނު މަސައްކަތުން އޭނާއާ ބެހޭ އެއްވެސް މައުލޫމާތެއް ލިބިފައިނުވާކަމަށެވެ.

އެހެންކަމުން އޭނާއާ ގުޅޭ އެއްވެސް މަޢުލޫމާތެއް އެނގޭނަމަ މާފަންނު ޕޮލިސް އިންވެސްޓިގޭޝަންގެ ޑިއުޓީ ނަންބަރު 9660183 އަށް ގުޅުއްވައި ހިއްސާކުރެއްވުން  ފުލުހުން ވަނީ އެދިފައެވެ.

މީގެ ދެ ދުވަހެއް ކުރިން، މާލޭގައި ދިރިއުޅޭ ނ. މަނަދޫއަށް ނިސްބަތްވާ ފިރިހެނަކު ގެއްލިގެން އޭނާ ހޯދުމުގެ މަސައްކަތް ކުރަމުންދާކަމަށް ވެސް ފުލުހުން ހާމަކޮށްފައިވެއެވެ. އޭނާ ވެސް ގެއްލިފައި ވަނީ މި މަހުގެ 8 ވަނަ ދުވަހުން ފެށިގެންނެވެ. 

ޢަބްދުﷲ ޝިހާދު ނަމަކަށް ކިޔާ މި މީހާގެ މަޢުލޫމާތު އެނގޭ ފަރާތެއް ހުރިނަމަ، އެ މަޢުލޫމާތު ވެސް ފުލުހުންނަށް އެންގުމަށް ވަނީ އެދިފައެވެ.

މި ލިޔުން ކިޔާލުމުން

Ads by MSS