ޚަބަރު
ރަމަޟާން މަހުގެ ފަހު ދިހައެއްގައި މާލެ ސަރަޙައްދުގެ 34 މިސްކިތެއްގައި ދަމުނަމާދު ކުރާނެ
ސަލްމާން މިސްކިތުގެ ތެރެއިން/ފޮޓޯ: ރާއްޖެ އެމްވީ
މި އަހަރުގެ ރަމަޟާން މަހުގެ ފަހު ދިހައެއްގައި މާލެ ސަރަޙައްދުގެ 34 މިސްކިތެއް ދަމުނަމާދު ކުރާނެކަމަށް އިސްލާމިކް ކަންތައްތަކާ ބެހޭ ވުޒާރާއިން ވިދާޅުވެއްޖެއެވެ.
އިސްލާމި ކަންތައްތަކާ ބެހޭ ވުޒާރާއިން ވަނީ، ރަމަޟާންމަހުގެ ފަހު ދިހައެއްގައި މާލެ ސަރަޙައްދުގައި ދަމުނަމާދު ކުރާނެ މިސްކިތްތަކުގެ ލިސްޓު އާންމުކޮށްފައެވެ.
އެގޮތުން، މިއަހަރުގެ ރަމަޟާން މަހުގެ ފަހު ދިހައެއްގައި މާލޭގެ 21 މިސްކިތެއްގައި ދަމުނަމާދު ކުރާނެކަމަށް އިސްލާމީ ކަންތައްތަކާ ބެހޭ ވުޒާރާއިން ވަނީ ހާމަކޮށްފައެވެ. މީގެ އިތުރުން، ވިލިމާލޭގެ 3 މިސްކިތަކާއި ހުޅުމާލޭގެ 10 މިސްކިތެއްގައި ވެސް ދަމުނަމާދުކުރުން ކުރިއަށްގެންދާނެކަމަށް އެ ވުޒާރާއިން މަޢުލުމާތުދެއެވެ. އަދި ހުޅުމާލޭގައި ދަމު ނަމާދުކުރުމަށް ހަމަޖެހިފައިވަނީ ހުޅުމާލޭ ފޭސް-1 ގެ 6 މިސްކިތަކާއި، ހުޅުމާލެ ފޭސް-2 ގެ 4 މިސްކިތެއްގައި ކަމަށް އެ ވުޒާރާއިން ނެރުނު އިޢުލާނުގައި ވެއެވެ.
މާލޭގައި ދަމުނަމާދު ކުރުމަށް ހަމަޖެހިފައިވާ މިސްކިތްތައް:
- މަސްޖިދުއްސުލްޠާން މުޙައްމަދު ތަކުރުފާނުލް އަޢުޡަމް (އިސްލާމީ މަރުކަޒު)
- މަސްޖިދުލްމަލިކި ސަލްމާން
- މަސްޖިދުއްސުލްޠާން މުޙައްމަދު ބިން ޢަބްދުﷲ (ވިޔަފާރިވެރިންގެ މިސްކިތް)
- މަސްޖިދުލްފުރްޤާން
- މަސްޖިދުއްނޫރު
- މަސްޖިދުއްޝަހީދު ޢަލީ
- މަސްޖިދުއްސުލްޠާން ޙަސަން ޢިއްޒުއްދީން (ޠައިބާ މިސްކިތް)
- މަސްޖިދުއްސުލްޠާން މުޙައްމަދު ފަރީދުލް އައްވަލް (ދުނބުރި މިސްކިތް)
- މަސްޖިދު ޝަހީދު ޢަބްދުއްރަޙްމާން (ފަނޑިޔާރު މިސްކިތް)
- މަސްޖިދުއްސުލްޠާން މުޙައްމަދު ޝަމްސުއްދީން (ބަންޑާރަ މިސްކިތް)
- މަސްޖިދު ޞަލާޙުއްދީން
- މަސްޖިދު އިބްރާހީމް
- މަސްޖިދު އިސްކަންދަރު
- ވަގުތީމިސްކިތް (ބޮޑުގެ)
- މަސްޖިދުއްސުލްޠާން މުޙައްމަދު ޢިމާދުއްދީން (ރަންމިސްކިތް)
- މަސްޖިދުއްޝައިޚް މުޙައްމަދު ޖަމީލް ދީދީ (ފައިފުހޭ މިސްކިތް)
- މަސްޖިދު ޢަލީ ޙުސައިން (މާވެޔޮ މިސްކިތް)
- މަސްޖިދު ޢަފީފުއްދީން
- މާފަންނު އާމިސްކިތް
- މަސްޖިދުއްޛިކްރާ
ވިލިމާލޭގައި ދަމުނަމާދު ކުރުމަށް ހަމަޖެހިފައިވާ މިސްކިތްތައް:
- މަސްޖިދުލްބިއްރި
- މަސްޖިދުއްސަލާމް
- މަސްޖިދުލްއިޚްލާސް
ހުޅުމާލެ ފޭސް-1 އަދި ފޭސް-2 ގައި ދަމުނަމާދު ކުރުމަށް ހަމަޖެހިފައިވާ މިސްކިތްތައް:
- މަސްޖިދުއްޝައިޚް ޤާސިމް ބިން މުޙައްމަދު އާލްޘާނީ (ވައްގުއްބު މިސްކިތް) - ހުޅުމާލެ ފޭސް 1
- މަސްޖިދު ރަޝީދު - ހުޅުމާލެ ފޭސް 1
- މަސްޖިދު ޢަޒީޒާ މޫސާ - ހުޅުމާލެ ފޭސް 1
- މަސްޖިދުލްއަޞްދިޤާ - ހުޅުމާލެ ފޭސް 1
- މަސްޖިދުލްވާލިދައިނި - ހުޅުމާލެ ފޭސް 1
- މަސްޖިދު މުޙައްމަދު - ހުޅުމާލެ ފޭސް 1
- މަސްޖިދު ޙަސަން ޢާދަމް - ހުޅުމާލެ ފޭސް 2
- މަސްޖިދު އަމީލް ޖަލީލް - ހުޅުމާލެ ފޭސް 2
- މަސްޖިދު އަބީބަކުރިނިއްޞިއްދީޤް - ހުޅުމާލެ ފޭސް 2
- މަސްޖިދު ޢުޘްމާނު ބިން ޢައްފާން - ހުޅުމާލެ ފޭސް 2
ކޮންމެ އަހަރެއްގެ ވެސް ރަމަޟާން މަހުގެ ފަހު ދިހައެއްގައި ރާއްޖޭގެ އެކި ހިސާބުތަކުގައި މިސްކިތުގައި ޖަމާޢަތުގައި ދަމުނަމާދު ކުރުން ކުރިއަށްދެއެވެ. އެގޮތުން، ޢާންމު ގޮތެއްގައި މިސްކިތްތަކުން ދަމުނަމާދުކުރަން ފަަށަނީ މެންދަމު 2:00 ހާއިރުއެވެ.
