މާލެ ސަރަޙައްދުގައި އިޢުތިކާފަށް ތިބުމަށް 23 މިސްކިތެއް ހަމަޖައްސަވައިފި

މި އަހަރުގެ ރަމަޟާން މަހު މާލެ ސަރަޙައްދުގައި އިޢުތިކާފަށް ތިބުމަށް 23 މިސްކިތެއް އިސްލާމީ ކަންތައްތަކާ ބެހޭ ވުޒާރާއިން ހަމަޖައްސަވައިފިއެވެ.

އިސްލާމީ ކަންތައްތަކާ ބެހޭ ވުޒާރާއިން ކުރެއްވި އިޢުލާނެއްގައި ވިދާޅުވީ، ރަމަޟާން މަހުގެ ފަހު ދިހައެއްގައި މާލެ ސަރަޙައްދުގެ 23 މިސްކިތެއްގައި އިޢުތިކާފަށް ތިބުމުގެ އިންތިޒާމު ހަމަޖައްސަވާފައިވާ ކަމަށެވެ. އެގޮތުން، މާލޭގެ 15 މިސްކިތަކާއި، ވިލިމާލޭގެ މިސްކިތަކާއި، ހުޅުމާލޭގެ 7 މިސްކިތެއްގައި އިޢުތިކާފަށް ތިބުމަށް އެ ވުޒާރާއިން ވަނީ ހަމަޖައްސަވާފައެވެ. މީގެ ތެރޭގައި، ހުޅުމާލެ ފޭސް-1 ގެ ފަސް މިސްކިތަކާއި ހުޅުމާލެ ފޭސް-2 ގެ ދެ މިސްކިތް ހިމެނެއެވެ. އަދި ވިލިމާލޭގައި އިޢުތިކާފަށް ތިބުމަށް ހަމަޖެހިފައިވަނީ މަސްޖިދުލްބިއްރިއެވެ.

މާލޭގައި އިޢުތިކާފަށް ތިބުމަށް ހަމަޖެހިފައިވާ މިސްކިތްތައް:

• މަސްޖިދުއްސުލްޠާން މުޙައްމަދު ތަކުރުފާނުލް އަޢުޡަމް (އިސްލާމީ މަރުކަޒު)
• މަސްޖިދުލްމަލިކި ސަލްމާން
• މަސްޖިދުއްސުލްޠާން މުޙައްމަދު ބިން ޢަބްދުﷲ (ވިޔަފާރިވެރިންގެ މިސްކިތް)
• މަސްޖިދުލްފުރްޤާން
• މަސްޖިދުއްނޫރު
• މަސްޖިދުއްޝަހީދު ޢަލީ
• މަސްޖިދުއްސުލްޠާން ޙަސަން ޢިއްޒުއްދީން (ޠައިބާ މިސްކިތް)
• މަސްޖިދުއްސުލްޠާން މުޙައްމަދު ފަރީދުލް އައްވަލް (ދުނބުރި މިސްކިތް)
• މަސްޖިދު ޝަހީދު ޢަބްދުއްރަޙްމާން (ފަނޑިޔާރު މިސްކިތް)
• މަސްޖިދުއްސުލްޠާން މުޙައްމަދު ޝަމްސުއްދީން (ބަންޑާރަ މިސްކިތް)
• މަސްޖިދު ޞަލާޙުއްދީން
• މަސްޖިދު ޖަލާލުއްދީން
• މަސްޖިދު އިބްރާހީމް
• މަސްޖިދު އިސްކަންދަރު
• މަސްޖިދުއްޝައިޚް މުޙައްމަދު ޖަމީލް ދީދީ (ފައިފުހޭ މިސްކިތް)
  

ހުޅުމާލޭ ފޭސް-1 އަދި ފޭސް-2 ގައި އިޢުތިކާފަށް ތިބުމަށް ހަމަޖެހިފައިވާ މިސްކިތްތައް:

• މަސްޖިދުއްޝައިޚް ޤާސިމް ބިން މުޙައްމަދު އާލްޘާނީ (ވައްގުއްބު މިސްކިތް) - ހުޅުމާލެ ފޭސް 1
• މަސްޖިދު ރަޝީދު - ހުޅުމާލެ ފޭސް 1
• މަސްޖިދު ޢަޒީޒާ މޫސާ - ހުޅުމާލެ ފޭސް 1
• މަސްޖިދުލްއަޞްދިޤާ - ހުޅުމާލެ ފޭސް 1
• މަސްޖިދު މުޙައްމަދު - ހުޅުމާލެ ފޭސް 1
• މަސްޖިދު ޙަސަން ޢާދަމް - ހުޅުމާލެ ފޭސް 2
• މަސްޖިދު އަމީލް ޖަލީލް - ހުޅުމާލެ ފޭސް 2
  

ރަމަޟާން މަހުގެ ފަހު ދިހައެއްގައި މިސްކިތްތަކުގައި އިޢުތިކާފަށް ތިބުމަކީ ގިނަ ބަޔަކު ކުރަމުން އަންނަ ކަމެކެވެ. އަދި މިއީ ގަދަވެގެންވާ ސުންނަތެއްވެސް މެއެވެ.