ޚަބަރު
އަސްކޮއެ އުމްރާ ގްރޫޕްގެ މައްސަލައެއް ބަލަނީ
ރާއްޖޭގެ އުމްރާވެރިންތަކެއް/ ފޮޓޯ: އަވަސް.އެމްވީ
އަސްކޮއި އުމްރާ ގްރޫޕްގެ މައްސަލައެއް ސަމާލުކަމަށް އައިސްގެން ބަލަމުން އަންނަކަމަށް އިސްލާމިކް މިނިސްޓަރު ޑރ. މުޙައްމަދު ޝަޙީމް ޢަލީ ސަޢީދު މިއަދު ވިދާޅުވެއްޖެއެވެ.
މީޑިއާތަކަށް ފޮނުއްވި މެސެޖެއްގައި މިނިސްޓަރު ވަނީ، އަސްކޮއި ޖަމާޢާތުގެ މައްސަލަ އިސްލާމިކް މިނިސްޓްރީގެ ސަމާލުކަމަށް އައިސްފައިވާކަމަށް ބުނެފައެވެ. އެހެންކަމުން އެ މިނިސްޓްރީގެ ކަމާ ބެހޭ ޔުނިޓްގެ ފަރާތުން މައްސަލަ ބަލަމުން އަންނަކަމަށް މިނިސްޓަރު ވިދާޅުވިއެވެ.
އުމްރާއަށް މީހުން ގެންދިއުމުގެ ޤަވާޢިދާ ޚިލާފްވާ ފަރާތްތަކަށް ހަރުކަށި ފިޔަވަޅު އަޅާނެ. މިފަހުން ވެސް ޖަމާޢަތްތަކެއްގެ ހުއްދަ ބާޠިލްކޮށް ފިޔަވަޅުއަޅާފައިވާނެ.
ވަޒީރު ވިދާޅުވެފައިވެއެވެ.
އަސްކޮއި ގްރޫޕްގެ މައްސަލަ ބަލަން ފެށިކަން އިސްލާމިކް މިނިސްޓްރީން ބުނިއިރު، އެ ގްރޫޕުން ރަމަޟާންމަހުގެ ފަހު ފަނަރައާއި ޝައްވާލްމަހުގެ ހަ ރޯދަ ހިމެނޭ ގޮތަށް ޢުމުރާއަށް ދާން އެތައް ބަޔަކު އަތުން ފައިސާ ނެގުމަށްފަހު، އެ ދަތުރު ކުރެވޭނެ ގޮތެއް ނެތްކަމަށް ބުނެ ރަމަޟާން މަހުގެ 6 ވަނަ ދުވަހުގެ ރޭ މެސެޖަކުން އަންގާފައިވެއެވެ. އެހެންކަމުން ފައިސާ ދެއްކި މީހުންނާއި ޢާއިލާތަކުން އަންނަނީ މީސް މީޑިއާގައި މިކަމާ ގުޅިގެން ކަންބޮޑުވުން ފާޅުކުރަމުންނެވެ.
އުމްރާއަށް ގެންދިޔުމުގެ އުސޫލާ ޚިލާފްވި 19 ކުންފުންޏަކަށް ފިޔަވަޅުއަޅަން ނިިންމައި އިސްލާމިކް މިނިސްޓްރީން ވަނީ މިދިޔަ ޖެނުއަރީމަހު އެކަން އާންމުކޮށް ޢިއުލާންކޮށްފައެވެ. އަދި އެ ކުންފުނިތައް ވަނީ ޤަވާޢިދާ ޚިލާފްވި ނިސްބަތުން ޖޫރިމަނާކޮށްފައެވެ.
އުމްރާއަށް މީހުން ގެންދިއުމުގައި އަމަލުކުރާން ގެޒެޓް ކޮށްފައިވާ އުޞޫލަށް އަމަލު ނުކުރާ ހުރިހައި ކުންފުނިތަކަށް އެ ވުޒާރާއިން ފިޔަވަޅު އަޅާނެކަމަށް އިސްލާމިކް މިނިސްޓްރީން ކުރީން ވެސް ބުނެފަވެއެވެ.
