ދެމަފިރިންގެ ދެމެދުގައި ހިނގި ހަމަނުޖެހުމެއްގައި ފިރިހެންމީހާ އަމިއްލައަށް ކަރުގައި ވަޅިއަޅައިފި

ރޭ ދަންވަރު ބ. ދަރަވަންދޫގައި ދެމަފިރިއެއްގެ ދެމެދުގައި ހިނގި ހަމަނުޖެހުމެއްގައި ފިރިހެން މީހާއަށް އަނިޔާވެއްޖެއެވެ.

ފުލުހުން ހާމަކޮށްފައިވާ ގޮތުގައި، މި މައްސަލަ ފުލުހުންނަށް ރިޕޯޓުކޮށްފައިވަނީ ރޭ މެންދަމުން އަލިވެ 1:52 ހާއިރެވެ. 

މީޑިއާތަކުގައި ފިރިހެން މީހާގެ ކަރުގައި އަމިއްލައަށް ވަޅި އެޅިކަމަށް ވާހަކަ ދެކެވުނު ނަމަވެސް، ފުލުހުން އެކަން ކަށަވަރުކޮށްދެއްވާފައެއް ނުވެއެވެ.

ފުލުހުން ބުނީ އެ ހަމަނުޖެހުމާ ގުޅިގެން ފިރިހެނަކަށް ބ. އޭދަފުށި ހޮސްޕިޓަލުގައި ފަރުވާ ދިނުމަށްފަހު ދޫކޮށްލާފައިވާ ކަމަށެވެ. 

މި މައްސަލަ ފުލުހުން ދަނީ އިތުރަށް ތަޙުޤީޤު ކުރަމުންނެވެ.