އިސްލާމީ ދާއިރާތަކުގެ މަޝްރޫޢުތަކުގެ އަމަލީ މަސައްކަތް ފެށުމަށް ހޮނިހިރު ދުވަހު ކުންފުނިތަކާއެކު ސޮއިކުރަނީ

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅާއި އެއްގޮތަށް، އިސްލާމީ ދާއިރާތަކުގެ މަޝްރޫޢުތަކުގެ އަމަލީ މަސައްކަތް ފެށުމަށް ކުންފުނިތަކާއެކު ސޮއިކުރުން ހޮނިހިރު ދުވަހު ބޭއްވުމަށް ހަމަޖެހިފައިވާކަމަށް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއްޖެއެވެ.

އިސްލާމީ ކަންތައްތަކާ ބެހޭ ވުޒާރާއިން ވިދާޅުވީ، މި މަޝްރޫޢުތަކުގައި ސޮއި ކުރުމަށް ހަމަޖެހިފައިވަނީ ހޮނިހިރު ދުވަހުގެ މެންދުރު ކަމަށެވެ. އެގޮތުން، އެދުވަހު ސޮއި ކުރުމަށް ހަމަޖެހިފައިވާ މަޝްރޫޢުތައް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވަނީ މިރޭ ޢިޢުލާން ކުރައްވާފައެވެ.

ހޮނިހިރު  ދުވަހު ސޮއި ކުރުމަށް ހަމަޖެހިފައިވާ މަޝްރޫޢުތަކުގެ ތެރޭގައި ހިމެނެނީ:

• ލ. މައިބާދޫ (ޤުރުއާނާ ބެހޭ މަރުކަޒު)
• ޅ. އޮޅުވެލި ފުށި (ޤުރުއާނާ ބެހޭ މަރުކަޒު)
• ށ. ނޫމަރާ (މިސްކިތް)
• ހދ. ނެއްލައިދޫ (މިސްކިތް)
• ތ. ހިރިލަންދޫ (މިސްކިތް)
• ރ. އިނގުރައިދޫ (މިސްކިތް)
• ސ. ފޭދޫ (މިސްކިތް)
• ބ. ކުޑަ ރިކިލު (މިސްކިތް)
• ނ. ހެނބަދޫ (މިސްކިތް)
• ހއ. އުތީމު (މިސްކިތް)
• ތ. ވޭމަންޑޫ.(މިސްކިތް)
• ށ. ފޯކައިދޫ (އިސްލާމީ މަރުކަޒު)
• ބ. މާޅޮސް، (މިސްކިތް)
• އއ. ފެރިދޫ (މިސްކިތް)
• ހއ. ބާރަށް (މިސްކިތް)

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ގެ ރިޔާސީ ވަޢުދުތަކާއި އެއްގޮތަށް، އިސްލާމީ ދާއިރާއިން ކުރަން ވަޢުދުވެލައްވާފައިވާ ގިނަ ކަންކަން މިހާރު ވަނީ ކުރިއަށް ގެންގޮއްސައެވެ. އޭގެ ތެރޭގައި، ވަޤުފް އިމާރާތްތަކުގެ މަސައްކަތާއި، ޒުވާން ޙަޠީބުންގެ މަޝްރޫޢުއާއި، ޒުވާން ޙާފިޡުން އުފެއްދުމާއި، ޙާފިޡުންނަށް ފުރުޞަތު ފަހިކޮށްދިނުން ހިމެނެއެވެ.