ދީން
ޤުރުޢާނުގެ އެންމެ އަކުރެއް ކިޔަވާ މީހާއަށް ވެސް ދަރުމަ ލިބޭ

ކީރިތި ޤުރުޢާނަކީ މާތް މަތިވެރި ފޮތެއް--

ފަރުދުން
14 މާރިޗު 2025، 09:58
14 މާރިޗު 2025، 09:58
ކީރިތި ޤުރުޢާނަކީ މާތް މަތިވެރި ފޮތެކެވެ. އެކަން ހާމަކޮށްދޭ އެއްކަމަކީ، އެ ޤުރުޢާން ކިޔަވާ މީހާއަށް ލިބޭ ދަރުމައިގެ މަތިވެރިކަމެވެ.
އެގޮތުން ޤުރުޢާނުގެ އެންމެ އަކުރެއް ކިޔަވާ މީހަކަށް ވެސް ޘަވާބު ދެއްވައެވެ. އަދި ރަމަޟާން މަހު ޤުރުޢާން ކިޔަވައިފިނަމަ، އެ ޘަވާބުގެ އަދަދު ހަތްދިހަ އާއި ހަތްސަތޭކަ ގުނައަށް އިތުރުކޮށްދެއެވެ.
ސަލަފުއްޞާލިހުގެ ބޭކަލުން ޤުރުޢާނާ ބެހެއްޓެވި ޤާތްކަމުންވެސް، ޤުރުޢާން ކިޔެވުމުގެ މަތިވެރިކަން ހާމަވެއެވެ. އެ ބޭކަލުން ރަމަޟާން މަސް ހޭދަކުރެއްވީ ޤުރުޢާން ކިޔަވާ ވިދާޅުވުމުގައެވެ.
އެގޮތުން އިމާމް ޝާފިޢީގެ ފާނު ރަމަޟާން މަހު 60 ޚަތިމުކުރައްވާކަމަށް ވާރިދުވެފައިވެއެވެ. އަދި ރަމަޟާން މަސް ނޫން މަސް ނޫން މަސްމަހު 7 ދުވަހުން ޚަޠިމެއް ކުރައްވައެވެ. މީގެ އިތުރުން، ރަމަޟާން މަހުގެ ފަހު ދިހައެއްގައި ދުވާލަކު ޙަޠިމެއް ކުރައްވާކަމަށް ވާރިދުވެގެން އައިސްފައިވެއެވެ.
މިކަމުން އަންގައިދެނީ އެ ޤުރުޢާނުގެ މާތްކަމާއި މަތިވެރިކަމެވެ. އެހެނީ ޤުރުޢާނުގެ މަތިވެރިކަން އެނގޭ ބޭކަލުން ޤުރުޢާން ކިޔަވާ ވިދާޅުވުމަށް ނުހަނު އަހަމިއްޔަތުކަން ދެއްވެވިއެވެ.
އެހެންކަމުން، އެ ބޭކަލުންގެ ޢަމަލުފުޅުތަކުން އިބުރަތް ހޯދައި، އަޅުގަނޑުމެންނަކީ ވެސް ކީރިތި ޤުރުޢާން ގިނަގިނައިން ކިޔަވާ ބަޔަކަށް ވާންޖެހެއެވެ.
މަސްދަރު:
1446 ވަނަ އަހަރުގެ ރަމަޟާން މަހަށް ޙާއްސަކޮށް ފަރުދުން މީޑިއާއިން ގެނަސްދިން "ބަރަކާތް" ޕްރޮގްރާމް.
އެޕިސޯޑުގެ ޕްރެޒެންޓަރ: އައްޝައިޙާ މަރްޔަމް ޝަބާނާ