ޚަބަރު
ސިނަމަން ފްރެންޗް ޓޯސްޓް ވިތް ކެރަމަލައިޒްޑް އެޕަލްސް ނިކަން ޓްރައިކޮށްލަބަލަ

ސިނަމަން ފްރެންޗް ޓޯސްޓް ވިތް ކެރަމަލައިޒްޑް އެޕަލްސް
ސިނަމަން ފްރެންޗް ޓޯސްޓް ވިތް ކެރަމަލައިޒްޑް އެޕަލްސް
ބޭނުންވާ ތަކެތި:
4 ފޮތި ޕާން (ބްރައުން ބްރެޑް)
3 ބިސް
އާފަލު (ކުދިކޮށް ކޮށާފަ)
ފޮނިތޮށި (ކަމުދާ ވަރަކަށް)
މޭޕްލް ސިރަޕް (ކަމުދާ ވަރަކަށް)
2 މޭޒުމަތީ ސަމުސާ ހަކުރު
1 މޭޒުމަތީ ސަމުސާ ބަޓަރު
1 ޖޯޑު ކިރު
ތައްޔާރުކުރާނެ ގޮތް:
ފުރަތަމަ ޕަންފޮތިތައް ބޭނުން ސައިޒަކަށް ކޮށާލާ، ޑެޝް ތައްޔާރުކޮށްލަން ރެޑީކޮށްލާށެވެ. ދެން 3 ބިހަށް، ފުލްކްރީމް މިލްކުކޮޅާއި، ފޮނިތޮށިކޮޅު އަޅައިލާ އެއްކޮށްލާށެވެ. އެއަށްފަހު، ތަވާމަތީ ބަޓަރުކޮޅު ވިރުވާލާށެވެ. ދެން މި އެއްކޮށްލެވުނު މިކްސްޗާރއަށް ޕާންފޮތިތައްލާ ފޯކޮށްލުމަށްފަހު، ރޯސްޕާން ފިހާހެން ފިހެލާށެވެ.
ދެން އޮތީ އާފަލުކޮޅު ކެރަމަލައިޒްކޮށްލުމެވެ. ޕަންފޮތިތައް ތަވައިން ނެގުމަށްފަހު ތަވާތެރެއަށް ހަކުރުކޮޅު އަޅައިލާށެވެ. ހަކުރުކޮޅު ރަނގަޅަށް ވިރި، ކެރަމަލައިޒްވާން ފެށުމުން، އާފަލުކޮޅު އަޅައިލާ އެއްކޮށްލާށެވެ. ހަކުރުކޮޅު ތަތްވާނަ ފެށުމުން ½ ޖޯޑު ކިރު އަޅައިލާ އެކޮށްލާށެވެ. ދެން މި ކެރަމަލައިޒްޑް އެޕަލްކޮޅު، ޕާންފޮތިތަކުގެ މައްޗަށް އަޅައިލާ، ޑިޝް ފުރިހަމަކޮށްލުމަށް މޭޕަލް ސިރަޕްކޮޅަކުން ގާނިޝްކޮށްލާށެވެ.