ދުނިޔެ

އިސްލާމްދީނާ ދެކޮޅަށް އުފެދޭ ނަފްރަތު ހުއްޓުވުމަށް އދ. އިން ގޮވާލައިފި

އިސްލާމްދީނާ ދެކޮޅަށް އުފެދޭ ނަފްރަތު ހުއްޓުވުމަށް އދ. އިން ގޮވާލައިފި

އދ. ގެ ސެކްރެޓަރީ ޖެނެރަލް އަންޓޯނިއޯ ގުޓެރެސް ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

15 މާރިޗު 2025، 03:07

15 މާރިޗު 2025، 03:07

ހުލާސާ


ހުކުރު ދުވަހު އދ. އިން އިސްލާމޮފޯބިއާއާ ދެކޮޅަށް ކުރިއަށްގެންދާ ބައިނަލްއަޤްވާމީ ދުވަސް ފާހަގަކުރަމުން، އދ. ގެ ސެކްރެޓަރީ ޖެނެރަލް އަންޓޯނިއޯ ގުޓެރެސް ވަނީ ދުނިޔޭގެ އެކި ކަންކޮޅުތަކުގައި މުސްލިމުންނާ ދެކޮޅަށް އުފެދެމުންދާ ނަފްރަތު ހުއްޓުވުމަށް ގޮވާލައްވާފައެވެ.

އދ. ގެ ޖެނެރަލް އެސެމްބްލީގައި ގުޓެރެސްގެ ފަރާތުން ވާހަކަދެއްކެވި އޭނާގެ ޗީފް އޮފް ސްޓާފް ކޯޓެނީ ރެޓްރޭ ވިދާޅުވީ، ޚާއްޞަކޮށް ރަމަޟާން މަހު މުސްލިމުންނަށް ކުރިމަތިވަމުންދާ ތަފާތުކުރުންތަކާއި، އެކަހެރިކުރުންތަކާއި އަދި އަނިޔާވެރިކަމާމެދު ކަންބޮޑުވާ ކަމަށެވެ. މީގެ ތެރޭގައި އިންސާނީ ޙައްޤުތަކާ ޚިލާފު އުސޫލުތަކާއި، އަމިއްލަ ފަރުދުންނާއި އަޅުކަންކުރާ ތަންތަނަށް ކުރިމަތިވާ އަނިޔާވެރިކަން ހިމެނެއެވެ.

އިސްލާމޮފޯބިއާއާ ދެކޮޅަށް ކުރިއަށްގެންދާ ބައިނަލްއަޤްވާމީ ދުވަސް ފުރަތަމަ ފަހަރަށް ކަނޑައެޅުނީ 15 މާރިޗު 2022 ގައި އދ. ގެ ޖެނެރަލް އެސެމްބްލީންނެވެ. މި ދުވަހުގެ މަޤްޞަދަކީ މުސްލިމުންނާ ދެކޮޅަށް އުފެދެމުންދާ ނަފްރަތާއި ތަފާތުކުރުންތަކާ ދެކޮޅަށް ހޭލުންތެރިކަން އިތުރުކުރުމެވެ.

ސެކްރެޓަރީ ޖެނެރަލްގެ މެސެޖުގައި އިންސާނީ ޙައްޤުތައް ރައްކާތެރިކުރުމުގެ މުހިންމުކަން ފާހަގަކޮށް، އެއްވެސް ބަޔަކާ ދެކޮޅަށް ކުރެވޭ ހަމަލާއަކީ އެންމެންގެ ޙައްޤުތަކަށް ކުރިމަތިވާ ނުރައްކަލެއް ކަމުގައި ބަޔާންކޮށްފައިވެއެވެ. އަދި ސަރުކާރުތަކުން ދީނީ މިނިވަންކަން ރައްކާތެރިކޮށް، އިޖުތިމާޢީ އެއްބައިވަންތަކަން އާލާކޮށް، ޑިޖިޓަލް ޕްލެޓްފޯމްތަކުގައި އިތުރުވަމުންދާ ނަފްރަތުގެ އަމަލުތަކާއި ފުރައްސާރައާ ދެކޮޅަށް މަސައްކަތްކުރުމަށް ގޮވާލާފައިވެއެވެ.
                    

މި ލިޔުން ކިޔާލުމުން

Ads by MSS