ޚަބަރު / ވިޔަފާރި
"ވިޔަފާރި އެހީ" ލޯނަށް އެދުމުގެ ފުރުޞަތު ހުޅުވާލައިފި
އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން/ ފޮޓޯ: އަވަސް
އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން، އެސްޑީއެފްސީގެ "ވިޔަފާރި އެހީ" ލޯނަށް އެދި ހުށައެޅުމުގެ ފުރުސަތު ހުޅުވާލައިފިއެވެ.
މި ލޯނަކީ ކުދިފަންތިއާއި މެދުފަންތީގެ ވިޔަފާރިތައް ކުރިއެރުވުމަށް ބޭނުންވާ މާލީ އެހީތެރިކަން ފޯރުކޮށްދިނުމުގެ ނިޔަތުގައި އެސްޑީއެފްސީއިން ތަޢާރަފްކޮށްފައިވާ ލޯނެކެވެ. މި ލޯނަކީ ދުވަހުން ދުވަހަށް ދިމާވާ ފައިސާގެ ދަތިތަކުން އަރައިގަތުމަށް އޮތް ހައްލެއްކަމަށް އެސްޑީއެފްސީން ވިދާޅުވެއެވެ.
Viyafaari Ehee is now open for applications!
— SME Development Finance Corporation (@SDFC_mv) March 15, 2025
Visit our website https://t.co/hGi8SV0xPW to apply now! pic.twitter.com/VqUXLtL43E
އެސްޑީއެފްސީން ވިދާޅުވީ ވޭތުވެދިޔަ 1 އަހަރު ދުވަހު މެދުކެނޑުމެއްނެތި ވިޔަފާރިކުރަމުންދާ ކޮންމެ ފަރާތަކަށް ވެސް ލޯނަށް އެދި ހުށައެޅޭނެ ކަމަށެވެ. މުދާ ގަތުމަށާއި ދުވަހުން ދުވަހަށް ބޭނުންވާ ވިޔަފާރީގެ ޚަރަދުތައް ކުރުމަށް މިލޯނު ބޭނުންކުރެވިދާނެ ކަމަށާއި. އެސްޑީއެފްސީގެ ވެބްސައިޓުން ލޯނަށް އެދި ހުށަހެޅޭނެ ކަމަށާއި، "ވިޔަފާރި އެހީ" ލޯނު ސްކީމްގެ ދަށުން އެންމެ ގިނަވެގެން ނެގޭނީ 1.5 މިލިޔަން ރުފިޔާކަމަށް އެސްޑީއެފްސީއިން ވިދާޅުވެއެވެ.
މި ލޯނު ދޫކުރުމުގެ ޤަވާއުގައި ވާގޮތުން، 700،000 ރުފިޔާއަށްވުރެ ނަގާ ލޯނުގެ އަދަދު މަތިވާނަމަ ރަހުނެއް ދެއްކަންޖެހޭނެއެވެ. ހަމައެހެންމެ، އިންޓްރެސްޓް ރޭޓުގެ ގޮތުގައި އަހަރަކު %9.5 އިތުރުވާނެއެވެ. މީގެއިތުރުން ގްރޭސް ޕީރިއަޑްގެ ގޮތުގައި ގިނަވެގެން 6 މަސް ދުވަސް ދޭއިރު، ލޯނު އަނބުރާ ދެއްކުމަށް ގިނަވެގެން 5 އަހަރު ދޭނެކަމަށް އެސްޑީއެފްސީން ވިދާޅުވެއެވެ.
