ރޯދަމަހުގެ 2 ވަނަ ހަފްތާ ކަރަންޓު ބޭނުންކުރާ މިންވަރު އިތުރުވެއްޖެ

ރޯދަމަހުގެ ފުރަތަމަ ހަފްތާއާ އަޅާބަލާއިރު މިދިޔަ ހަފްތާގައި ދުވާލެއްގެ މައްޗަށް ކަރަންޓު ބޭނުންކުރަމުންދާ މިންވަރު އިތުރުވެފައިވާކަމަށް ސްޓެލްކޯއިން ވިދާޅުވެއްޖެއެވެ.

އެ ކުންފުނިން ވިދާޅުވީ، މި ރޯދަމަހުގެ ފުރަތަމަ 7 ދުވަހާ އަޅާބަލާއިރު، މާލެ ސަރަޙައްދުގައި މިދިޔަ 7 ދުވަހު ވެސް ކަރަންޓު ބޭނުން ކޮށްފައިވާކަން ފާހަގަކުރެވޭކަމަށެވެ. 

ރޯދަ މަހުގެ 8 ން 14 އަށް މާލެ އަދި ހުޅުމާލޭގައި ކަރަންޓު ބޭނުންކޮށްފައިވާ ގޮތަށްބަލާއިރު، ރޯދަ މަހުގެ ފުރަތަމަ ހަތް ދުވަހާއި ގާތްގަނޑަކަށް އެއް ޕެޓާންއަކަށް ކަރަންޓު ބޭނުން ކޮށްފައިވާކަން ފާހަގަ ކުރެވޭ. އެގޮތުން ފުރަތަމަ ހަތް ދުވަހެކޭ އެއްގޮތަށް މި ދުވަސްތަކުގައިވެސް… pic.twitter.com/boTP2nXm9a

— STELCO (@STELCOMALDIVES) March 15, 2025

ފުރަތަމަ ހަތް ދުވަހެކޭ އެއްގޮތަށް މި ދުވަސްތަކުގައި ވެސް އެއްގަޑިތަކެއްގައި ކަރަންޓު ބޭނުން ކުރަމުންދާ މިންވަރު މަތިވެފައިވާކަމަށާއި، މި ދުވަސްތަކުގައި ޖުމްލަކޮށް ދުވާލެއްގެ މައްޗަށް ކަރަންޓު ބޭނުން ކުރަމުންދާ މިންވަރު ފުރަތަމަ ހަތް ދުވަހާއި އަޅާބަލާއިރު އިތުރު ވަމުންދާކަމަށް ސްޓެލްކޯއިން ވިދާޅުވެއެވެ.
މިދިޔަ އަހަރު އަޅުގަނޑުމެން ޕީކް އަށް ތައްޔާރުވުމަށްޓަކައި އިންޖީނުތައް އޯޑަރުކުރުމާއި، ޓެކްނިކަލް ގޮތުން ކުރަންޖެހޭ ހުރިހާ މަސައްކަތެއްކޮށް އަޅުގަނޑުމެން ނިންމާލައިފިން. މިދިޔަ ޖެނުއަރީމަހުގެ 14 ވަނަ އެންމެ ފުރަތަމަ ޝިޕްމަންޓް އެއީ 4 އިންޖީނު ހުޅުމާލެއަށް ގެނެސް ހުޅުމާލޭ މަގުމަތީގަ ބެހެއްޓީ އޭރުގަ އިންޖީނުތައް ބަހައްޓަން ބިން ހަމަޖެހިފައިނުވާތީ، އޭގެ އެއްމަސްފަހުން އަނެއް 4 އިންޖީނުގެނެސް މަގުމަތީގަ ބެހެއްޓީ.

ޝަރުމީޒު ވިދާޅުވިއެވެ.

ސްޓެލްކޯއިން ވަނީ، ކުރިއަށްއޮތްތަނުގައި ކަރަންޓު ބޭނުންކުރާ މިންވަރު އިތުރުވާނެކަމަށް ލަފާކޮށް، ކަރަންޓު އިޤްތިޞާދުކުރުމަށް ރައްޔިތުންނަށް އިލްތިމާޒްކުރަށްވާފައެވެ. 
ރައްޔިތުންނަށް ލުއިފަސޭހަަކޮށްދެއްވުމަށް، މި ރަމަޟާން މަހުވެސް ކަރަންޓާއި ފެން ބިލުން %10 ޑިސްކައުންޓް ދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނިންމަވާފައެވެ. މިކަމަށް 160 މިލިޔަނެއްހާ ރުފިޔާ ހޭދަވާނެކަމަށް ސަރުކާރުން ވިދާޅުވެއެވެ.