ރާއްޖޭގައި ސިނގިރޭޓް އުފެއްދި ކުންފުނީގެ ވިޔަފާރި ހުއްދަ ބާޠިލް ކޮށްފި

ރާއްޖޭގައި ސިނގިރޭޓް އުފެއްދި ކުންފުނީގެ ވިޔަފާރި ހުއްދަ ބާޠިލް ކޮށްފިއެވެ.

މިމައްސަލައަކީ މާލެގެ ހެންވޭރު ގެއެއްގައި ހިންގާ އަމިއްލަ ކުންފުންޏަކުން އެތަނުގެ އޮފީހުގެ ތެރޭގައި ސިނގިރޭޓް އުފައްދިމައްސަލައެެކެވެ.

އެ އޮފީހުގެ ތެރޭގައި ސިނގިރޭޓް އުފައްދާ މަޢުލޫމާތު ލިބިގެން ކޯޓު އަމުރެއްގެ ދަށުން އެތަން ބަލައި ފާސްކޮށްފައިވެއެވެ. އެއީ މިއަހަރުގެ ޖަނަވަރީމަހުއެވެ.

ކޯޓު އަމުރެއްގެ ދަށުން ހިންގި މި އޮޕަރޭޝަނުގައި އެތަނުން ގިނަ އަދަދެއްގެ ކާޑްބޯޑު ފޮށިގަނޑުތަކެއް ފުލުހުން ވަނީ އެ މުއައްސަސާގެ ބެލުމުގެ ދަށަށް ގެންގޮސްފައެވެ. އެގޮތުން ކާޑްބޯޑު 103 ފޮށިގަނޑު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. މީގެ ތެރޭގައި ދުންފަތް ހުރި ފޮށިތައްވެސް ހިމެނޭ ކަމަށް ފުލުހުން ބުނެފައިވެއެވެ. 

ދިވެހި ފުލުހުންގެ ޚިދުމަތުން ބުނެފައިވަނީ އެމަސައްކަތް ކުރި ކުންފުނީގެ ވިޔަފާރި ހުއްދަ އިޤްތިސާދީ ތަރައްޤީއާ ވިޔަފާރިއާ ބެހޭ ވުޒާރާއިން ބާތިލްކޮށްފައިވާކަމަށެވެ. އަދި އަތުލައިގަތް ސިނގިރޭޓުތައް ނައްތާލުމުގެ ހުއްދަ ސިއްޙަތާ ބެހޭ ވުޒާރާއިން ދީފައިވާކަމަށްވެސް ފުލުހުން ބުނެއެވެ.