Ads by Exprox

ޚަބަރު

ކުޑަކުއްޖެއްގެ ކަރާމާތަށް އުނިކަން އަންނަގޮތަށް ވާހަކަދައްކާ މަންޒަރު ފެންނަ ވީޑިއޯ ދައުރުކުރުން ކުށްވެރިކުރަން: ސީއޯއޯ

ކުޑަކުއްޖެއްގެ ކަރާމާތަށް އުނިކަން އަންނަގޮތަށް ވާހަކަދައްކާ މަންޒަރު ފެންނަ ވީޑިއޯ ދައުރުކުރުން ކުށްވެރިކުރަން: ސީއޯއޯ

ފޮޓޯ-  ޗިލްޑްރަންސް އޮމްބަޑްސްޕަރސަންގެ އޮފީސް

farudhun logo

ފަރުދުން

16 މާރިޗު 2025، 10:38

16 މާރިޗު 2025، 10:38

ކުޑަކުއްޖެއްގެ ކަރާމާތައް އުނިކަން އަތުވެދާނެފަދަ ގޮތަކަށް ވާހަކަދައްކާ މަންޒަރު ފެންނަ ވީޑިއޯ ބްރޯޑްކާސްޓްކޮށް ދައުރު ކުރުން ކުއްވެރި ކުރާ ކަމަށް ޗިލްޑްރަންސް އޮމްބަޑްސްޕަރސަންގެ އޮފީހުން ވިދާޅުވެއްޖެއެވެ.

ޗިލްޑްރަންސް އޮމްބަޑްސްޕަރސަންގެ އޮފީހުން ނެރުނު ނޫސްބަޔާނުގައި ވިދާޅުވީ، ދިވެހިރާއްޖޭގެ ޤާނޫނުއަސާސީގެ ދެވަނަ ވަނަ ބާބުގެ 33ވަނަ މާއްދާގެ ދަށުން ކުޑަކުދިންނަކީ އާއިލާގެ ފަރާތުންނާއި، ޖަމާއަތުގެ ފަރާތުންނާއި، ދައުލަތުގެ ފަރާތުން ޚާއްސަ އެހީތެރިކަމަކާއި ޚާއްސަ ރައްކާތެރިކަން ލިބެންޖެހޭ ބައެއްކަން ކަނޑައަޅާފައިވާކަމަށެވެ. އެއާއެކު ދުލާއި ގަލަމުން ޚިޔާލު ފާޅުކުރުމުގެ މިނިވަންކަން ކޮންމެ މީހަކަށްވެސް ލިބިފައިވީ ހިނދު، އެއްވެސް ފަރާތެއްގެ ޙައްޤަކަށް ކަރާމާތަކަށް އުނިކަމެއް ނާންނާނެހެން ކަނޑައެޅިފައިވާ ޤާނޫނީ އިމުގެ ތެރެއިން އަމަލު ކުރުމަކީ ކޮންމެ މީހެއްގެ މައްޗައްވެސް ލާޒިމް ކަމެއް ކަމަށް ވިދާާޅުވެފައި ވެއެވެ.

އެ އޮފީހުން މި ބަޔާން ނެރެފައިވަނީ މޯލްޑިވިއަން ޑިމޮކްރަޓިކް ޕާޓީގެ ފަރާތުން ކުރިއަށްގެންދިޔަ ސިލްސިލާ އެއްވުމެއްގެ ތެރެއިން މިމަހުގެ 13ވަނަ ދުވަހު ކުޑަކުއްޖެއްގެ ކަރާމާތައް އުނިކަން އަތުވެދާނެގޮތަކަށް ވާހަކަދައްކާ މަންޒަރު ފެންނަ ވީޑިއޯއެއް ބްރޯޑްކާސްޓްކޮށް ދައުރުކުރަމުންދާތީ އެކަމާ ގުޅިގެންނެވެ. 

 ޗިލްޑްރަންސް އޮމްބަޑްސްޕަރސަންގެ އޮފީހުން ވިދާޅުވީ ކުޑަކުދިންނަށް ރައްކާތެރިކަން ފޯރުކޮށްދިނުމާއި ގުޅޭ އުސޫލުތަކާއި ޤާނޫނުތައް ކަނޑައަޅާފައިވާއިރު އެމީހެއްގެ ނަމާއި އަބުރު ރައްކާތެރިކުރެވިފައި އޮތުމުގެ ހައްޤު ކޮންމެ މީހަކަށް ލިބިފައިވާއިރު، ރާއްޖޭގައި ރަޖިސްޓްރީކޮށްފައިވާ ސިޔާސީ ޕާޓީއަކުން އިންތިޒާމްކުރި އެއްވުމެއްގެ ތެރެއިން ކުޑަކުއްޖެއްގެ ކަރާމާތައް އުނިކަމެއް އަތުވެދާނެ ގޮތަކަށް ވާހަކަދެއްކުމާއި އަދި ދިވެހިރާއްޖޭގައި ރަޖިސްޓްރީކޮށްގެން ހިންގާ މީޑިއާއަކުން އެ މަންޒަރާއި އަޑު ދައްކާފައިވާތީ ކުއްޖާއާއިމެދު ހިންގާފައިވާ މިއަމަލު ކުށްވެރިކުރާކަމަށެވެ. 

މި ލިޔުން ކިޔާލުމުން

Ads by MSS