Ads by Exprox

ޚަބަރު

ޑެޕިޔުޓީ ގަވަރުނަރުގެ މަޤާމުން އިމާދު އިސްތިއުފާދެއްވައިފި

ޑެޕިޔުޓީ ގަވަރުނަރުގެ މަޤާމުން އިމާދު އިސްތިއުފާދެއްވައިފި

ޑެޕިޔުޓީ މޭޔަރުގެ މަޤާމުން އިސްތިއުފާ ދެއްވި އިމާދި. ފޮޓޯ: އެމްއެމްއޭ

ޙަސްނާ އަޙްމަދް

ޙަސްނާ އަޙްމަދް

17 މާރިޗު 2025، 11:37

17 މާރިޗު 2025، 11:37

މަރުކަޒީ ބޭންކުގެ ޑެޕިޔުޓީ ގަވަރުނަރުގެ މަޤާމުގައި ހުންނެވި އަޙްމަދު އިމާދު އިސްތިއުފާދެއްވައިފިއެވެ.

އިމާދު މަޤާމުން އިސްތިއުފާ ދެއްވައިފައިމިވަނީ މަޤާމުން އޭނާ ވަކިކުރުމަށް ރައީސުލްޖުމްހޫރިއްޔާއަށް މަޝްވަރާ ދިނުމާ ގުޅޭ މައްސަލަ، ރައްޔިތުންގެ މަޖިލީހުގެ ޤަވާއިދުގައިވާ ގޮތުގެމަތިން އެމައްސަލައާ ގުޅޭ ދާއިމީ ކޮމިޓީއަށް ފޮނުވަން މިއަދުގެ މަޖިލިސް ޖަލްސާއަށް އެޖެންޑާކޮށްފައި ވަނިކޮށްކަން ފާހަގަކޮށްލަންޖެހެއެވެ.

މަޤާމުން އިސްތިއުފާދެއްވިކަން ހާމަކުރައްވައި އޭނާ ވަނީ ސިޓީއެއް ފޮނުއްވައިފައެވެ. އެ ސިޓީގައި އޭނާ މިހާތަނަށް އަދާކޮށްފައިވާ ދައުރާއި ކުރެއްވި މަސައްކަތްތަކުގެ ބައެއް ތަފްޞީލްތައް ވަނީ ޙިއްސާކުރައްވާފައެވެ. ޚާއްސަކޮށް ބޭރު ފައިސާއާ ބެހޭ ޤާނޫނާއި ޤަވާއިދުގެ މަސައްކަތް އޭނާ ފާހަގަކުރެއްވިއެވެ.

އިމާދުއާ ގުޅޭގޮތުން ހުށައަޅައިފައިވާ މައްސަލާގައި ބުނެފައިވަނީ، އެމްއެމްއޭގެ ކުރީގެ ގަވަރުނަރު ޢަލީ ހާޝިމް، ޤާނޫނުން މަތިކޮށްފައިވާ ޒިންމާތައް އަދާނުކުރައްވާ ހުންނެވިއިރު، އެކަންކަން ފާހަގަކުރުމަށްޓަކައި ޤާނޫނުން މަތިކޮށްފައިވާ ޒިންމާތައް އަދާކުރުމަށް ޑެޕިއުޓީ ގަވަރުނަރު އިމާދުވެސް އެއްވެސް މަސައްކަތް ކޮށްފައިވާކަން އެނގެން ނެތްކަމަށެވެ. 

އެހެންކަމުން ޤާނޫނުން އޭނާއަށް ލާޒިމްކޮށްފައިވާ ޒިންމާތައް އަދާކުރުމުގައި ފަސްޖެހިފައިވާތީ އޭނާ މަޤާމުން ވަކިކުރުމަށް ރައީސުލްޖުމްހޫރިއްޔާއަށް ހުށަހަޅަން ނިންމެވީކަމަށްވެސް ކޮމިޓީއަށް ހުށައެޅި މައްސަލާގައިވެއެވެ. މަޖިލީހުގެ މާލިއްޔަތު ކޮމެޓީއަށް މެމްބަރު ޢަބްދުއްލަޠީފް ހުށަހެޅުއްވި އެ މައްސަލަ ބަލައިގަނެ، އެ މައްސަލަ މަޖިލީހުގެ ތަޅުމަށް ފޮނުވަން ކޮމެޓީން ވަނީ ފާސްކޮށްފައެވެ.

ޑެޕިއުޓީ ޤަވަރުނަރުގައި ކަމުގެ މަޤާމަށް އަޙްމަދު އިމާދު އައްޔަންކޮށްފައިވަނީ 2020 ވަނަ އަހަރުއެވެ. އެ މަޤާމަށް ބޭފުޅުން އައްޔަންކޮށް، ވަކި ކުރާނީ ރައްޔިތުންގެ މަޖިލީހުގެ ލަފާގެ މަތިން ރައީސުލްޖުމްހޫރިއްޔާއެވެ.

މި ލިޔުން ކިޔާލުމުން

Ads by MSS