ދީން
މާތް ﷲ ނުފުއްސަވާނެ ފާފައަކީ ކޮބާ؟

މިސްކިތެއްގެ ޤުއްބު---

ފަރުދުން
17 މާރިޗު 2025، 11:41
17 މާރިޗު 2025، 11:41
މާތް ﷲ ކީރިތި ޤުރުޢާނުގައި ވަޙިކުރައްވާފައިވާ ބަސްފުޅެއްގެ މާނައިގައިވެއެވެ. ﷲ ސުބުޙާނަހޫ ވަތަޢާލާ ޝިރުކުކުރާ މީހުންގެ ފާފައެއް ނުފުއްސަވާނެއެވެ. އެހެން ނަމަވެސް، އެކަލާނގެ އެހެން ހުރިހާ ކުށްތަކެއްގެ ފާފަ ފުއްސަވައެވެ. އެހެނީ ޝިރުކުކުރާ މީހުން އެ ކުރަނީ ވަރަށް ބޮޑު ފާފައެކެވެ.
މި އާޔަތުން ޔަޤީންވާކަމަކީ، އެކަލާނގެއަށް ޝިރުކުކުރާ މީހަކު ދުވަހަކު ވެސް ސުވަރުގެ ނުވަންނާނެކަމެވެ. އަދި އެ ޢަމަލަކީ ދުވަސްހަކު ވެސް ފާފަ ނުފުއްސަވާނެ ޢަމަލެއްކަމެވެ.
މިކަމާ ގުޅިގެން ﷲ ވަޙީކުރެއްވި އެހެން އާޔަތެއްގެ މާނައިގައި ވަނީ، ޝިރުކުކުރާ މީހުން ވަނީ އޭނާގެ ހުރިހާ ޢަމަލެއް ބާޠިލުކޮށްފައެވެ. އދި ޤިޔާމަތް ދުވަހުން އޭނާ ވާނީ ގެއްލި ހަލާކުވެނިވެފައިވާ މީހުންގެ ތެރެއިންނެވެ.
ވީމާ އަޅުގަނޑުމެން ބަލަންވީ، އަޅުގަނޑުމެން މަރުވަންދެން ވެސް، ﷲ ސުބުޙާނަހޫ ވަތަޢާލާގެ ދީން މަތީގައި ތިބެވޭތޯއެވެ. އެހެނީ ﷲއަށް ޝިރުކުކުރާ ޙާލު މަރުވެއްޖެނަމަ އެ މީހަކު އެ ގެއްލުވާލަނީ އާޚިރަތް ދުވަހެވެ.
މަސްދަރު:
1446 ވަނަ އަހަރުގެ ރަމަޟާން މަހަށް ޙާއްސަކޮށް ފަރުދުން މީޑިއާއިން ގެނަސްދިން "ބަރަކާތް" ޕްރޮގްރާމް.
އެޕިސޯޑުގެ ޕްރެޒެންޓަރ: އައްޝައިޙާ މަރްޔަމް ޝަބާނާ