ޖާހު އިންވެސްޓްމެންޓާއި އެޗްޑީސީއާ ދެމެދު ވެފައިވާ އެއްބަސްވުން ބާތިލުކޮށްފި

ޖާހު އިންވެސްޓްމެންޓްސް ޕަރައިވެޓް ލިމިޓެޑްގެ ފަރާތުން ހުޅުމާލޭގައި ތަރައްޤީކުރަން ފެށުނު "ދަ ގާޑެންސް" ޕްރޮޖެކްޓް ނިންމުމަށްޓަކައި އެކިފަހަރު މަތިން އެ ފަރާތައް މުއްދަތު އިތުރުކޮށްދެވުނު ނަމަވެސް، އެ މަސައްކަތް އެފަރާތުން ފުރިހަމަކޮށްފައި ނުވާތީ، އެޗްޑިީސީ އާއި، ޖާހު އިންވެސްޓްމެންޓާއި ދެމެދުގައި ސޮއިކުރެވިފައިވާ އެއްބަސްވުން ބާޠިލްކުރުމުގެ އެންމެ ފަހު މަރުހަލާގެ ދެވޭ ޤާނޫނީ ނޯޓިސް ދިނުމަށް އެޗްޑީސީގެ ބޯޑުން ނިންމި ނިންމުން އެ ކުންފުނިން ހާމަކޮށްފިއެވެ.

27 ޖަނަވަރީ 2025 ވީ ހޯމަ ދުވަހު، ޖާހު އިންވެސްޓްމެންޓްސްއަށް ފޮނުވި މި ނޯޓިސްގައި، 45 ދުވަހުގެ ތެރޭގައި އެ އިންވެސްޓުމެންޓާ ހަވާލުވެފައިވާ ޕްރޮޖެކްޓު ނިންމާ ފުރިހަމަނުކޮށްފިނަމަ، އެ ފަރާތާއި ކޯޕަރޭޝަނާ ދެމެދު ވެފައިވާ އެއްބަސްވުން ބާޠިލްކުރާނެކަމަށް މި ނޯޓިސްގައި ބަޔާންކޮށްފައި ވާނެކަން ވެސް އެޗްޑިސީއިން ފާހަގަކުރަށްވައެވެ. 

މި 45 ދުވަހުގެ ތެރޭގައި ޖާހު އިންވެސްޓުމެންޓަށް މި ޕްރޮޖެކްޓު ފުރިހަމަކުރެވިފައި ވާތީ، މި ކޯޕަރޭޝަނާ ދެމެދު ވެވިފައިވާ އެއްބަސްވުން ބާޠިލުކޮށް، 16 މާރިޗު 2025 ވީ އާދީއްތަ ދުވަހު ތަން ހަވާލުކުރުމަށް އެ ކޯޕަރޭޝަނުން ވަނީ އަންގާފައެވެ. 

މި ކޯޕަރޭޝަނުން މި އެޅި ފިޔަވަޅުތަކަކީ، ޖާހު އިންވެސްޓްމެންޓް ޕްރައިވެޓް ލިމިޓެޑުން އެޕާޓުމެންޓު ގަތުމަށް ފައިސާ ދައްކާފައިވާ ފަރާތްތަކަށް ވިހާވެސް އަަވަހަށް އެޕާޓްމެންޓުތައް ފޯރުކޮށްދިނުމަށް އަޅާފައިވާ ފިޔަވަޅުތަކެއްކަމަށް އެ ކުންފުނިން ވިދާޅުވެފައިވެއެވެ.