ޚަބަރު
ދެސައިކަލެއް ޖެހި އެކްސިޑެންޓް ވުމުން މާރާމާރީ ހިންގައިފި

ހުޅުމާލެ ފުރަތަމަ ފިޔަވަހީގެ މަގެއްގެ މަތި.
ދެސައިކަލެއް ޖެހި އެކްސިޑެންޓް ވުމުން ސައިކަލު ދުއްވަން ތިބި ދެމީހުން މާރާމާރީ ހިންގައިފިއެވެ.
މިކަން ހިނގާފައިވަނީ ހުޅުމާލޭ ފުރަތަމަ ފިޔަވަހީގެ މަގެއްގެ މަތީގައެވެ. ފުލުހުން މިކަމާއި ގުޅިގެން ބުނެފައިވަނީ ރޭ 21:40 އެހާއިރު ހުޅުމާލެ ފުރަތަމަ ފިޔަވަހީގައި ހިނގި އެކްސިޑެންޓަކާއި ގުޅިގެން ދެ މީހަކު މާރާމާރީ ހިންގި މައްސަލައެއް ފުލުހުންނަށް ހުށައަޅައިފައިވާކަމަށެވެ.
މިމައްސަލަ ފުލުހުންނަށް ރިޕޯޓު ކޮށްފައިވާ ކަމަށް ފުލުހުން ބުނި ނަމަވެސް މައްސަލައާއި ގުޅޭ އިތުރު ތަފްސީލެއް ދީފައެއް ނުވެއެވެ. އަދި މިމައްސަލަ އިތުރަށް ތަހުޤީޤު ކުރަމުންދާ ކަމަށް ފުލުހުން ވަނީ ބުނެފައެވެ.