ހއ.އަތޮޅުން މ.އަތޮޅަށް ހުދު ސަމާލުނެރެފި!

ހއ. އަތޮޅުން މ.އަތޮޅަށް ހުދު ސަމާލުނެރެފިއެވެ. 

މޯލްޑިވްސް މީޓްރޮލޮޖީ އިން ނެރެފައިވާ ހުދު ސަމާލުގައި ބުނެފައިވަނީ މިރޭގެ 18:00 އިން ފެށިގެން މިރޭގެ 12:00 އާއި ހަމައަށް އެސަރަހައްދަށް ބޯކޮށް ވާރޭވެހުމާއި އެކު ގުގުރާނެ ކަމަށެވެ. 

އަދި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭކަމަށެވެ. 

https://twitter.com/MetMaldives/status/1839195773814321317

މިއަދު މެންދުރު 12:00 ން އިރުއޮއްސި 18:00 އާއި ހަމައަށް ހއ.އަތޮޅުން ގއ.އަތޮޅަށްވެސް މެޓް އޮފީހުން ވަނީ ހުދުސަމާލުނެރެފައެވެ. 

އެގޮތުން އެވަގުތުގެ ތެރޭގައި އެސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށެވެ. އަދި ގަޑިއަކު 19 މޭލާއި 24 މޭލޭ ދެމެދުގެ ބާރުމިނުގައި ވައިޖެހި ވިލާގަނޑުގައި 40 މޭލަށް ވައިގަދަވާނެ ކަމަށް ބުނެފައިވެއެވެ. އަދި އެސަރަހައްދަށް ކަނޑުތައް ގފަދަވާނެ ކަމަށްވެސް ވަނީ ލަފާކޮށްފައެވެ. 

މާލެއަށް މިއަދުވެސް ވަރަށް ބޯކޮށް ވާރޭވެހި މާލޭގެ ގިނަ މަގުތަކެއްގައި ފެންބަޮޑުވެ ފެން ހިއްކުމަށް ސިފައިންވެސް މަގުތަކަށް ވަނީ ނުކުމެފައެވެ. 

މިއަދު ސްކޫލްދަރިވަރުންގެ ޗުއްޓީ ފެށުނުއިރު ޗުއްޓީ ފެށިގެން މިދިިޔައީ ވިއްސާރައާއި އެކުއެވެ.