ޞާދިޤް އަދި މިޒްމާދް ޕޮލިސް ބޯޑަށް އައްޔަނުކުރުމަށް މަޖިލީހުން ރުހުން ދީފި

މުޙައްމަދު ޞާދިޤާއި އަހްމަދު މިޒްމާދް ޕޮލިސް ބޯޑަށް އައްޔަނުކުރުމަށް ރައްޔިތުންގެ މަޖިލީހުން ރުހުން ދީފިއެވެ.

ޢާންމު ރައްޔިތުންގެ ތެރެއިން ދެ މެމްބަރަކު އައްޔަނުކުރުމަށް އެކަމަށް ކުރިމަތިލުމަށް ހުޅުވާލައިފައިވަނީ މިދިޔަ ފެބްރުއަރީ މަހުއެވެ. އެ އިއުލާނާއި ގުޅިގެން ހަތަރު ބޭފުޅަކު ކުރިމަތިލައްވައިފައިވެއެވެ.

އެއީ މުޙައްމަދު ޞާދިޤް، ދަފްތަރު ނަންބަރު ރސ 6613، އަޙުމަދު މިޒްމާދު، މއ. ލޫޕިން، އަޙުމަދު މުއާވިޔަތު ގާސިމް، ފަހެލާ / ގއ. ކޮނޑޭ އަދި ނިސްބާހު ހަސަން، ދޭލިޔާގެ، ގދ. މަޑަވެއްޔެވެ.

މިއަދު މަޖިލީހުގެ ތަޅުމުގައި ވަކިވަކިން އެހި ދެ ވޯޓުގައި ވަނީ އާންމު ރައްޔިތުންގެ ފަރާތުން ޕޮލިސް ބޯޑަށް އައްޔަން ކުރުމަށް ޞާދިޤާއި މިޒްމާދަށް ރުހުން ދިނުމުގެ ވޯޓަށް އަހާފައެެވެ.

އެ ދެ ބޭފުޅުން އައްޔަން ކުރުމަށް ފެންނަކަަމަށް 64 މެންބަރުން ވޯޓު ދެއްވިއެވެ. އަދި ނުފެންނަ ކަމަށް އެއްވެސް މެންބަރަކު ވޯޓު ނުދެއްވައެވެ.