Ads by Exprox

ޚަބަރު

ކޮފީއަށްދާން ވަޅި ހިފައިގެން ނިކުމެވުނީ ނޭންގިގެންކަމަށް ކޯޓުގައި ބުނެފި

ކޮފީއަށްދާން ވަޅި ހިފައިގެން ނިކުމެވުނީ ނޭންގިގެންކަމަށް ކޯޓުގައި ބުނެފި

ފުލުސް އޮފިސަރެއް، ފޮޓޯ: މިހާރު

މިފްތާޙް މުޙައްމަދު

މިފްތާޙް މުޙައްމަދު

17 މާރިޗު 2025، 02:33

17 މާރިޗު 2025، 02:33

މާރާމާރީ ހިންގަން އުޅޭކަމުގެ ތުހުމަތުގައި ފުލުހުން ހައްޔަރުކުރި މީހެއްގެ އަތުން ފެނުނު ވަޅިއަކީ، އަވަސް އަރުވާލާފައި ކޮފީއަކަށް ދާން ނިކުތްއިރު ނޭންގިގެން ޖީބަށް ލެވުނު ވަޅިއެއްކަމަށް މީހަކު ކޯޓުގައި ބުނެފިއެވެ.

މާލޭގައި ހިނގި މި ހާދިސާގައި ހައްޔަރުކޮށްފައިވަނީ އުމުރުން 40 އަހަރުގެ ދިވެހި ފިރިހެނެކެވެ. 

ފުލުހުން ހާމަކޮށްފައިވާ ގޮތުގައި އޭނާ ހައްޔަރުކޮށްފައިވަނީ މާރާމާރީއެއް ހިންގަން އުޅޭކަމުގެ މަޢުލޫމާތު ލިބިފައި ވަނިކޮށް، މަގުތައް ޕެޓުރޯލް ކުރުމަށް ނިކުމެ އުޅުނު ފުލުހުންގެ ބީޓަކަށް ފެނިގެންނެވެ. އަދި ފުލުހުން އޭނާ ހުއްޓުވީ ނުރައްކާތެރި ގޮތަކަށް ސައިކަލެއް ދުއްވަމުން ދަނިކޮށްކަމަށް ވެސް ކޯޓު އަމުރުގައި ވަނީ ބުނެފައެވެ.

ފުލުހުން އޭނާ ހުއްޓުވައި ޗެކްކުރިއިރު، އޭނާގެ އަތުން ވަޅިއެއް ފެނިފައިވާކަމަށް ވެސް ކޯޓު އަމުރުގައި ވެއެވެ. 

މީނާ ބުނަނީ އެއީ މީނާގެ ވަޅިއެއް ކަމަށާއި ގޭގައި ހުއްޓާ ރަހުމަތްތެރިއަކު ގުޅައި ކުއްލިއަކަށް ކޮފީއަކަށް އަންނަން ބުނުމުން ހަނދާން ނެތިގެން ވަޅި ޖީބުގައި އޮވެ ބޭރަށް ދެވުނީ ކަމަށް.

ކޯޓުން ނެރުނު އަމުރުގައި އޮތެވެ.

މި މީހަކީ ތޫނު އެއްޗެތި ގެންގުޅޭ މައްސަލަތަކުގެ ރެކޯޑު އޮތް މީހެއްކަމަށް ވެސް ފުލުހުން ހާމަކޮށްފައިވެއެވެ.

ކޯޓުން ފުލުހުންގެ މައްޗަށް އަމުރުކޮށްފައިވަނީ އޭނާ 7 ދުވަހުގެ މުއްދަތަށް ބަންދުކުރުމަށެވެ. 

މި ލިޔުން ކިޔާލުމުން

Ads by MSS