ރާއްޖޭގައި ދިރިއުޅޭ ސްރީލަންކާ ރައްޔިތުންނަށް ތަމަޅަ ބަހުން ޚާއްޞަ ދަރުހެއް ބާއްވައިފި

 ރާއްޖޭގައި ދިރިއުޅޭ ސްރީލަންކާގެ މުސްލިމް ރައްޔިތުންނަށް ތަމަޅަ ބަހުން ޙާއްޞަ ދަރުހެއް ބާއްވައިފިއެވެ. މި ދަރުސް ބައްވާފައިވަނީ އިސްލާމީ ކަންތައްތަކާ ބެހޭ ވުޒާރާގެ ފަރާތުންނެވެ.

ސަލްމާން މިސްކިތުގެ އޮޑިޓޯރިއަމްގައި މި ދަރުސް ދެއްވީ އައްޝައިޚް މުރުޝިދު މުލައްފާރުއެވެ. އިސްލާމީ ކަންތައްތަކާ ބެހޭ ވުޒާރާއިން ވިދާޅުވީ، މި ދަރުސްގައި ސްރީލަންކާގެ މުސްލިމް ގިނަ ރައްޔިތުންތަކެއް ބައިވެރިވެފައިވާ ކަމަށެވެ. 

މީގެ އިތުރުން އިސްލާމީ ކަންތައްތަކާ ބެހޭ ވުޒާރާއިން ވިިދާޅުވީ، މިއީ ދިވެހި ރައްޔިތުންނާއި ރާއްޖޭގައި ދިރިއުޅޭ މުސްލިމުން ދީނަށް ހޭލުންތެރިކަން އިތުރުކޮށް، ދީނީ ސައްޙަ މަޢުލޫމާތު ފޯރުކޮށްދިނުމަށް ވުޒާރާއިން ކުރަމުންދާ މަސައްކަތުގެ ދަށުން ކުރިއަަށް ގެންދެވުނު ދަރުހެއް ކަމަށެވެ.