ޚަބަރު
ބަރަހަނާ ހާލުގައި ފުލުހުންނަށް ނުކިޔަމަންތެރިވި ފަތުރުވެރިއަކު ހައްޔަރަށް
އއ. ތޮއްޑޫގެ މަގެއް، ފޮޓޯ: ދަ ރެސްޓްލެސް ބީންސް
އއ. ތޮއްޑޫގައި ބަރަހަނާ ހާލުގައި އުޅުނު ފަތުރުވެރިއަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ހާމަކޮށްފައިވާ ގޮތުގައި ރަޝިއާއަށް ނިސްބަތްވާ މި ފަތުރުވެރިޔާ އެ ރަށު ވަޅުމަގު ކޮޅު ބީޗުގައި ބަރަހަނާކޮށް އުޅުނު މައްސަލަ ރިޕޯޓުކޮށްފައި ވަނީ ހޯމަ ދުވަހުގެ 15:00 ހާއިރެވެ.
މި ރިޕޯޓާ ގުޅިގެން އެތަނަށް ދިޔަ ފުލުހުންގެ އަމުރަށް އޭނާ ކިޔަމަންވެފައިނުވާކަމަށް ވަނީ ހާމަކޮށްފައެވެ. އެގޮތުން، އޭނާގެ ފަރާތުން ފުލުހުންނަށް އަނިޔާވެ، ފުލުހުންގެ ވެހިކަލަކަށް ގެއްލުންދީފައިވާކަމަށް ވެސް ފުލުހުން ހާމަކޮށްފައިވެއެވެ.
މި މައްސަލައާ ގުޅިގެން އޭނާ ފުލުހުންގެ ބެލުމުގެ ދަށަށް ގެންދިއުމަށްފަހު އޭނާގެ މައްސަލަ ތަޙުޤީޤު ކުރަމުންދާކަމަށް ފުލުހުން ވަނީ ހާމަކޮށްފައެވެ.
