ޚަބަރު
ވިޔަފާރި އުސޫލުން ދަނޑުވެރިކަން ކުރާ ފަރާތްތަކުގެ ދަފްތަރެއް އެކުލަވާލަނީ

ފޮޓޯ: ދަނޑުވެރިކަމާ ބެހޭ ވުޒާރާ
ރާއްޖޭގައި ވިޔަފާރި އުސޫލުން ދަނޑުވެރިކަމުގައި ހަރަކާތްތެރިވެ އުޅޭ ފަރާތްތައް ދެނެގަތުމަށްޓަކައި ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ދަފްތަރެއް އެކުލަވާލުމަށް ނިންމައިފިއެވެ.
އެވުޒާރާއިން ވިދާޅުވީ އެފަރާތްތަކުގެ މަޢުލޫމާތު ނެގުމަށް ހަމަޖެހިފައިވަނީ މިވަގުތު ދަނޑުވެރިކަމުގައި ހަރަކާތްތެރިވާ ފަރާތްތައް އަދި ވިޔަފާރި އުސޫލުން މިމަސައްކަތް ކުރުމަށް ޝައުޤުވެރިވެލައްވާ ފަރާތްތަކާއި އެކުކައި ކަމަށެވެ. މީގެ ތެރޭގައި ހިމެނެނީ ވިޔަފާރި އުސޫލުން ދަނޑުހައްދާ ފަރާތްތައް، ވިޔަފާރި އުސޫލުން ކުދިޖަނަވާރު އަދި ކުކުޅު ގެންގުޅޭ ފަރާތްތަކުގެ އިތުރުން ވިޔަފާރި އުސޫލުން ގަސް ހައްދާ ވިއްކާފަރާތްތައްް ކަމަށް ދަނޑުވެރިކަމާ ބެހޭ ވުޒާރާއިން ހާމަ ކުރެއެވެ. މި ދަފްތަރުގައި މިވަގުތު މީހުން ދިރިއުޅޭ ރަށްތަކުގައި ދަނޑުވެރިކަން ކުރަމުން އަންނަ އަމިއްލަ ފަރުދުން ހިމެނިވަޑައި ނުގަންނަވާނެ ކަމަށް އެ ވުޒާރާއިން ވިދާޅުވެއެވެ.
އެހެންކަމުން ދަނޑުވެރިކަމުގައި ހަރަކާތްތެރިވާ އަދި ހަރަކާތްތެރިވުމަށް ޝައުޤުވެރިވާ ފަރާތްތައް 10 އޭޕްރީލް 2025 ވަނަ ދުވަހުގެ ކުރިން ދަނޑުވެރިކަމާ ބެހޭ ވުޒާރާގެ މެއިލްއަށްް ފޯމު ހުށަހެޅުމަށް އެދިފައިވެއެވެ.