ވައްކަމުގެ މައްސަލައެއްގައި ބިދޭސީއަކު ހައްޔަރުކޮށްފި

ވައްކަމުގެ މައްސަލައެއްގައި ރާއްޖޭގައި މަސައްކަތްކުރާ ބަންގްލަދޭޝްގެ ރައްޔިތަކު ހައްޔަރުކޮށްފިއެެވެ.

މިމައްސަލައަކީ އއ. ތޮއްޑޫ އިހުރު ބާޒާރުގެ ގޮޅި ނަންބަރު 7 ގައި މަސައްކަތް ކުރަމުންދާ ބިދޭސީއަކު އެގޮޅިން ވައްކަން ކުރި މައްސަލައެއް މިމަހުގެ 17 ވަނަ ދުވަހު ފުލުހުންނަށް ރިޕޯޓު ކުރެވިފައިވާ މައްސަލައެކެވެ.

މިމައްސަލާގައި ހައްޔަރު ކޮށްފައިވަނީ ބަންގްލަދޭޝްއަށް ނިސްބަތްވާ 26 އަހަރުގެ ސުމޮން މިޔާއެވެ. 

ފުލުހުން ބުނެފައިވަނީ މިމައްސަލަ އިތުރަށް ތަހުޤީޤު ކުރަމުންދާކަމަށެވެ.