އިއްޔެ ދިން އަނިޔާވެރި ހަމަލާތަކަކީ އަދި ހަމަ ފެށުމެެއްކަމަށް ނަތަންޔާހޫ ބުނެފި

އިއްޔެ އިޒްރާއިލުން ޣައްޒާއަށް ދިން ހައްދުފަހަނައެޅި ވަރުގަދަ ހަމަލާތަކަކީ ހަމަ ފެށުމެއްކަަމަށް ބުނެ އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫ އިންޒާރުދީފިއެވެ. 

ނަތަންޔާހޫ ބުނެފައިވަނީ އިޒްރާއިލަށް ވަރުގަދަ ބާރުތަކާއިއެކު ހަމާސްއަށް ހަމަލާތައް ދެވުނީސް ކަމަށާއިި، ކުރިއަށް އޮތް ޞުލްޙައިގެ ވާހަކަތައް ކުރިއަށް ގެންދާނީ ހަމަލާތައް ދިނުމާއި އެކު ކަމަށެވެ.

ފާއިތުވި 24 ގަޑިއިރުތެރޭގައި އަހަރެމެންގެ ފޯސްތަކުގައި ހުރި ވަރުގަދަ ކަމާ ގަދަފަދަ ކަން ހަމާސް އަށް އޮންނާނީ އަންދާޒާވެފަ، އަހަރެން އަހަރެންގެ ރައްޔިތުންނަށާއި އެމީހންގެ މީހުންނަށް ބުނެލަން އޮތީ މިއީ އަދި ފެށުމެއް ކަމަށް.

ނަތަންޔާހޫ ޓީވީ މެދުވެރިކޮށް ވާހަކަ ދައްކަމުން ބުނެފައިވެއެވެ.

ނަތަންޔާހޫ ބުނެފައިވަނީ އެމީހުންގެ ހަނގުރާމައިގެ ހުރިހާ މަޤްޞަދެއް ހާސިލްވަންދެން ހަމަލާތައް ކުރިއަށް ގެންދާނެ ކަމަށެވެ. އެގޮތުން ހަމާސްއިން ރަހީނުކޮށްފައިވާ އެމީހުންހެ ހުރިހާ ރަހީނުން މިނިވަން ކުރުމާއި، ހަމާސް އެކީއެކަށް ނައްތާލުމާއި އެކު ޣައްޒާއަކީ އެމީހުންނަށް އޮތް ނުރައްކަލަކަށް ވާވުން އެއްކޮށް ހުއްޓުވުމަކީ ހަނގުރާމައިގެ މަޤްސަދުތައް ކަމަށް ނަތަންޔާހޫ ވަނީ ބުނެފައެވެ.

ނަތަންޔާހޫ އޭނާގެ މި ބަޔާން އިއްވައިފައިމިވަނީ އިޒްރާއިލުން ޣައްޒާއަށް ދިން ނުރައްކާތެރި އަނިޔާވެރި ހަމަލާތަކަށްފަހުއެވެ. އެހަމަލާތަކުގައި ޣައްޒާގެ 404 މީހަކު ޝަހީދުވެފައިވެއެވެ. އޭގެ ތެރޭގައި ގިނަ ޢަދަދެއްގެ އަންހެނުންނާއި ކުޑަކުދިން ހިމެނެއެވެ. ހަމަލާތަކުގައި 560 މީހުން ޒަޚަމްވެފައިވާ ކަަމަށްވެސް ޣައްޒާގެ ޞިއްޙީ ވުޒާރާއިން ވަނީ ބުނެފައެވެ.

އިއްޔެގެ ހަމަލާތައް ޣައްޒާ އާއި ޚާންޔޫނިސް ރަފަހް އަދި ދެއިރް އަލް ބަލަޙް އަށް ވެސް ހަމަލާތައް އަމާޒުކޮށްފައިވެއެެވެ.