ޙާރިޖީ ވަޒީރު ރައިސީނާ ޑައިލޮގްގައި ބައިވެރިވުމަށް ކުރެއްވެވި ދަތުރުފުޅު ނިންމަވާލައްވައިފި

މި މަހުގެ 17 އިން މިއަދުގެ ނިޔަލަށް އިންޑިއާގައި ކުރިއަށް ދިޔަ ރައިސީނާ ޑައިލޮގް ނިންމަވާލެއްވުމަށްފަހު ޚާރިޖީ ވަޒީރު، ޑރ. ޢަބްދުﷲ ޚަލީލް ރާއްޖެ ވަޑައިގެންފިއެވެ.

މި ކޮންފަރެންސްގެ ތެރެއިން ކުރިޔަށް ދިޔަ ޕެނަލް ޑިސްކަޝަން، "ކްލައިމެޓް ކެޓެކްލިސަމް: އެޑެޕްޓޭޝަން އެޖެންޑާ އިޒް ގެސްޕިންގް" ގައި ޙާރިޖީ ވަޒީރު ވަނީ ބައިވެރިވެވަޑައިގެންފައެވެ. މި ޑިސްކަޝަންގައި ވަޒީރު އަލިއަޅުވާލެއްވީ މޫސުމަށް އަންނަ ބަދަލުތަކުގެ ސަބަބުން ދިމާވާ ދަތިތަކާއި އެ ދަތިތަކުން އަރައިގަތުމަށް ކުދި ޖަޒީރާ ޤައުމުތަކަށް ލިބޭ މާލީ އެހީތެރިކަން ހަރުދަނާކުރުމުގެ މައްޗަށެވެ.

Minister Dr. @abkhaleel joins the panel discussion “Climate Cataclysm: The Adaptation Agenda is Gasping” at #RaisinaDialogue2025. Emphasizing the critical role of finance in adaptation efforts, Minister stated, ’we must accelerate finance in trillions now’ pic.twitter.com/7dqn0JIoSh

— Ministry of Foreign Affairs 🇲🇻 (@MoFAmv) March 18, 2025

މި ކޮންފަރެންސްގެ ތެރެއިން، އިންޑިއާގެ އެކްސްޓަރނަލް އެފެއަރޒް މިނިސްޓަރ ޑރ. އެސް ޖައިޝަންކަރާއި ވެސް ވަޒީރު ބައްދަލުކުރެއްވެވިއެވެ. މި ބައްދަލުކުރެއްވުމުގައި އަލިއަޅުއްވާލެއްވީ ދެ ޤައުމުގެ ގުޅުން އިތުރަށް ބަދަހިކުރުމަށްކަމަށް ޚާރިޖީ ވުޒާރާއިން ވަނީ ހާމަކޮށްފައެވެ. ހަމައެހެންމެ އިންޑިއާގެ އެހީގައި ރާއްޖޭގައި މިވަގުތު ކުރިއަށްދާ މަސައްކަތްތަކުގެ އެންމެފަހުގެ މަޢުލޫމާތު ހިއްސާކުރައްވާ، ތަރައްޤީގެ ރޮނގުން އިތުރަށް ކުރެވިދާނެ ކަންކަމާގުޅޭގޮތުންވެސް ދެ ބޭފުޅުން ވަނީ ފުޅާ ދާއިރާއެއްގައި މަޝްވަރާކުރައްވާފައެވެ.

Minister Dr. @abkhaleel had a productive meeting with Minister @DrSJaishankar today on the sidelines of the ongoing #RaisinaDialogue2025 in Delhi. Ministers reviewed the existing development partnership and explored avenues for future collaboration.
🇲🇻 - 🇮🇳 @MEAIndia pic.twitter.com/lHEs93NZqk

— Ministry of Foreign Affairs 🇲🇻 (@MoFAmv) March 18, 2025

އިންޑިއާގެ އެކްސްޓަރނަލް އެފެއަރޒް މިނިސްޓަރގެ އިތުރުން، އެހެން ބައެއް ޤައުމުތަކުގެ އިސްވެރިންނާ ވެސް ޚާރިޖީ ވަޒީރު ވަނީ މި ކޮންފަރެންސްގައި ބައްދަލުކުރައްވާފައެވެ. 

ރައިސީނާ ޑައިލޮގަކީ އޮބްޒާވާ ރިސާޗް ފައުންޑޭޝަނާއި އިންޑިއާގެ މިނިސްޓްރީ އޮފް އެކްސްޓާނަލް އެފެއާޒް ގުޅިގެން ކޮންމެ އަހަރަކު ބާއްވާ ކޮންފަރެންސެކެވެ.