Ads by Exprox

ޚަބަރު

މާލޭގެ ޒުވާނުންނަށް ބައިބަލާ ކުޅެވޭނެ މައިދާނެއް ސަރުކާރުން ހައްދަވައި ދެއްވައިފި

މާލޭގެ ޒުވާނުންނަށް ބައިބަލާ ކުޅެވޭނެ މައިދާނެއް ސަރުކާރުން ހައްދަވައި ދެއްވައިފި

މާލޭގެ ޒުވާނުންނަށް ބައިބަލާ ކުޅެން ސަރުކާރުން ހއްދަވައިދެއްވި ސަރަޙައްދު/ފޮޓޯ: ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާ

19 މާރިޗު 2025، 01:12

މާލޭގެ ޒުވާނުންނަށް ބައިބަލާ ކުޅެވޭނެ މައިދާނެއް ސަރުކާރުން ހައްދަވައި ދެއްވައިފި ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާއިން ވިދާޅުވެއްޖެއެވެ. 

މި ވުޒާރާއިން ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދުގެ ދަށުން މާލޭގެ ޒުވާނުންނަށް ބައިބަލާ ކުޅެވޭނެ މައިދާނެއް މާލޭގެ އުސްފަސްގަނޑު ސަރަޙައްދުގައި ޤާއިމްކޮށްދެއްވައިފައިވާ ކަމަށެވެ.

ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާއިން ވިދާޅުވީ، މި މަސައްކަތް ކޮށްފައިވަނީ އެ ވުޒާރާގެ މުވައްޒަފުން ކަމަށެވެ. އެގޮތުން، މި މަސައްކަތް ފަށައިފައިވަނީ، އިއްޔެ ހެނދުނުގެ ވަޤުތެއްގައި ކަމަށް އެ ވުޒާރާއިން މަޢުލޫމާތުދެއެވެ. އަދި ރޭ އެ މައިދާނުގައި ކުޅެވޭ ވަރަށް މަސައްކަތްތައް ނިންމާފައިވާ ކަމަށް އެ ވުޒާރާއިން ވަނީ ވިދާޅުވެފައެވެ. މީގެ އިތުރުން އެ ވުޒާރާއިން ވިދާޅުވީ، އުސްފަސްގަނޑުގައި ބައިބަލާ ކުޅެވޭނެ އިންތިޒާމު ހަމަޖެއްސެވީ، މާފަންނު ސަހަރާގައި ބައިބަލާ ކުޅުމަށް ޒުވާނުންގެ ތެރޭން ބަޔަކު ތައްޔާރުވުމުން، ރައްޔިތުންގެ ތެރޭގައި އުފެދުނު ޚިޔާލުތަފާތުވުމަކާ ގުޅިގެން ކަމަށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަކީ، ރައްޔިތުންގެ ކަންބޮޑުވުންތަކަށް އިޖާބަދެއްވައި، އަވަސް ޙައްލު ހޯއްދަވައި ދެއްވުމަށް ރެއާދުވާލު ކެނޑިނޭޅި މަސައްކަތްޕުޅު ކުރައްވަމުން ގެންދަވާ ބޭފުޅެއް ކަމަށް އެ ވުޒާރާއިން ވަނީ ވިދާޅުވެފައެވެ. ހަމަ އެހެންމެ، ރައީސް ޑރ. މުޢިއްޒުގެ ސަރުކާރަކީ ރައްޔިތުންގެ ކަންބޮޑުވުންތައް ގާތުން އަހައި، ރައްޔިތުންގެ ވިންދާ އެއްގޮތަށް ވެރިކަން ކުރަމުން އަންނަ ސަރުކާރެއް ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާއިން ވަނީ ފާހަގަކުރައްވާފައެވެ.

ރާއްޖޭގައި ދިރިއުުޅޭ ޒުވާނުންގެ ކަންބޮޑުވުންތައް އަޑު އައްސަވާ، އެ ފަރާތްތަކަށް ހެޔޮ ގޮތްތައް ހޯއްދަވައިދެއްވުމަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގެ މުހިންމު ސިޔާސަތެކެވެ. އަދި ޒުވާނުންގެ ކަންބޮޑުވުންތަކަށް އެކަށޭނެ ޙައްލެއް ހޯއްދަވައިދެއްވުމަށް އެމަނިކުފާނު ގެންދަވަނީ އެކި މަސައްކަތްތައް ކުރައްވަމުންނެވެ.

މި ލިޔުން ކިޔާލުމުން

Ads by MSS