Ads by Exprox

ޚަބަރު

ޢާއްމުންނާ ވިޔަފާރިތަކަށް ދެމުން ގެންދާ ޚިދުމަތް މެދުނުކެނޑި ލިބޭނެ- އިކޮނޮމިކް މިނިސްޓްރީ

ޢާއްމުންނާ ވިޔަފާރިތަކަށް ދެމުން ގެންދާ ޚިދުމަތް މެދުނުކެނޑި ލިބޭނެ- އިކޮނޮމިކް މިނިސްޓްރީ

މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް- ފޮޓޯ: ސޯޝަލް މީޑިއާ

މިންނާ ޢަބްދުލްޙަކީމް

މިންނާ ޢަބްދުލްޙަކީމް

19 މާރިޗު 2025، 02:08

19 މާރިޗު 2025، 02:08

ރަމަޞާން މަހުގެ ފަހުދިހައެއް ބަންދު ނަމަވެސް، ޢާއްމުންނާ ވިޔަފާރިތަކަށް ދެމުން ގެންދާ ޚިދުމަތް މެދުނުކެނޑި ލިބޭނެގޮތަށް ހަމަޖައްސާފައިވާކަމަށް މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑްއިން ވިދާޅުވެއްޖެއެވެ.

އެގޮތުން ވަންގަވް އަދި ބިޒްނަސް ޕޯޓަލް މެދުވެރިކޮށް ހުށަހަޅާ އެޕްލިކޭޝަންތައް ޕްރޮސެސް ކުރާނެ ކަމަށް އެ މިނިސްޓްރީން ވިދާޅުވިއެވެ. ވަންގަވް މެދުވެރިކޮށް ހުށަހަޅާ އެޕްލިކޭޝަން ޕްރޮސެސް ކުރުން ކުރިއަށްދާާނީ ހުކުރު އަދި ހޮނިހިރު ފިޔަވައި ކޮންމެ ދުވަހެއްގެ ހެނދުނު 09:30 އިން 11:30 އަށް ކަމަށް ވިދާޅުވިއެވެ. 

އަދި، މި މުއްދަތުގެ ތެރޭގައި ޚިދުމަތަށް އެދެމުންދާ މިންވަރު އިތުރުވެއްޖެނަމަ، މިނިސްޓްރީން ޢާންމުކޮށްފައިވާ ސަރވިސް ޕްރޮސެސިންގ ގަޑިތަކަށް ބަދަލު އަންނާނެކަމަށް ވިދާޅުވެފައި ވެއެވެ. 

މިނިސްޓްރީން ވިދާޅުވީ، ވިޔަފާރިއާބެހޭ ޚިދުމަތްތަކަށް އެދެވޭނީ ވަންގަވް one.gov.mv ނުވަތަ ބިޒްނަސް ޕޯޓަލް business.egov.mv އިން ކަމަށެވެ. އެއާއެކު، ވިޔަފާރި ރަޖިސްޓްރީކުރުމާގުޅޭ ޚިދުމަތްތަކާބެހޭ މަޢުލޫމާތު ސާފުކުރުމަށް one.gov.mv ގެ ލައިވް ޗެޓް ނުވަތަ  ކޮންޓެކްޓް ސެންޓަރ 1500 އަށް ގުޅުމަށް އެދިފައި ވެއެވެ. 

ފޮރިން އިންވެސްޓްމަންޓް އެޕްލިކޭޝަން ފޯމް ހުށަހެޅުވުމަށް [email protected] އީމެއިލް ކުރުމަށް އެދިފައިވެއެވެ. އަދި ފޮރިން އިންވެސްޓްމަންޓާ ބެހޭގޮތުން މަޢުލޫމާތު ހޯދުމަށް ނުވަތަ ހުށަހަޅާފައިވާ އެޕްލިކޭޝަނަކާއި ބެހޭގޮތުން މަޢުލޫމާތު ހޯދުމަށް، ހުކުރު އަދި ހޮނިހިރު ފިޔަވައި ކޮންމެ ދުވަހެއްގެ ހެނދުނު 09:30 އިން 11:30 އަށް 3333181 ނުވަތަ 3333182 އަށް ގުޅޭނެކަމަށް އެ މިނިސްޓްރީން ވިދާޅުވިއެވެ.

މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑްއިން ވިދާޅުވީ ބައްދަލުކުރައްވަން ބޭނުންފުޅުވާ ފަރާތްތަކައް އޮންލައިން މީޓިންގ އިންތިޒާމް ހަމަޖެހޭނެ ކަމަށެވެ. އެހެންކަމުން، އޮންލައިން މީޓިންގ އެއް ހަމަޖެއްސުމަށް [email protected] އަށް އީމެއިލް ކުރުމުން މީޓިންގ ހަމަޖެހޭނެކަން ފާހަގަ ކުރެއްވިއެވެ. 

ރަމަޟާން މަހުގެ ފަހު ދިހައިގެ ދުވަސްތަކަކީ ސަރުކާރު ބަންދު ދުވަސްތަކެއް ކަމުގައި ރައީސުލްޖުމްހޫރިއްޔާ ހަމަޖެއްސެވުމާ ގުޅިގެން މާދަމާއިން ފެށިގެން 15 ދުވަސް ސަރުކާރު ބަންދު ވާނެއެވެ. ނަމަވެސް ސަރުކާރުގެ އިދާރާ ތަކުން މުހިންމު ޚިދުުމަތްތައް ދިނުމަށް އިދާރާތަކުން ދަނީ މަސައްކަތް ކުރައްވަމުންނެވެ. 

މި ލިޔުން ކިޔާލުމުން

Ads by MSS