ޚަބަރު
ނަގުދު ފައިސާ ވަޤުފް ކުރެވޭނެ ނިޒާމެއް ތަޢާރަފްކޮށްފި

އިސްލާމީ ކަންތައްތަކާއި ބެހޭ ވަޒީރު ޑރ މުޙައްމަދު ޝަހީމްް ޢަލީ ސަޢީދު. ފޮޓޯ: ވުޒާރާ
ނަގުދު ފައިސާ ވަޤުފް ކުރެވޭނެ ނިޒާމެއް ތަޢާރަފްކޮށްފިއެވެ.
މިކަމާއި ގުޅިގެން އިސްލާމީ ކަންތައްތަކާއި ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ވިދާޅުވީ އެ ވުޒާރާގެ ވަޤުފު ފަންޑު ތަރައްޤީކޮށް، ޝަރުޢީ އުޞޫލުތަކާ އެއްގޮތަށް، (ކޭޝް ވަޤުފު) ކުރެވޭނެ ނިޒާމު ޤާއިމުކޮށްފައި ވާކަމަށެވެ.
ކޭޝް ވަޤުފުން އިންވެސްޓްކޮށް އޭގެ ސާފު ފައިދާއިން އިސްލާމީ ދާއިރާތަކަށް ހޭދަކުރަން ނިންމާފައިވާ ކަމަށާއި، ދިވެހިރައްޔިތުންގެ ތެރެއިން ﷲ ގެ މަގުގައި ނަޤުދު ފައިސާ ވަޤުފުކުރަން ބޭނުންވާ ފަރާތްތަކަށް އެފުރުޞަތު ހުޅުވާލެވިފައިވާކަމަށްވެސް ވަޒީރު ޝަހީމް ވިދާޅުވިއެވެ.
ވަޤުފު ފަންޑަށް ޞަދަޤާތާއި ޚައިރާތާއި ހިބައާއި ވަޞިއްޔަތުގެ ގޮތުން ދޭ ހަދިޔާވެސް ބަލައިގަނެވޭނެ ކަމަށާއި މިބައި ފަންޑުގެ ތެރޭގައި ބެލެހެއްޓިގެންދާނީ ކޭޝްވަޤުފާ ވަކިން ހަރުދަނާ ނިޒާމެއްގެ ތެރެއިން ކަމަށްވެސް ވަޒީރު ވިދާޅުވިއެވެ.
ވަޒީރު ޑރ ޝަހީމް ވިދާޅުވީ މި ހެޔޮ ބަދަލަކީ ފަންޑު އުފެދުނުތާ 15 އަހަރު ފަހުން ގެނެވޭ އެންމެ ބޮޑު ހެޔޮ ބަދަލު ކަމަށެވެ.
ކޭޝްވަޤުފު ފަންޑު ފަށަނީ 15 މިލިއަން ރުފިޔާގެ ފަންޑަކާއެކުގައި ކަމަށްވެސް ވަޒީރު ވިދާޅުވިއެވެ.