ދުނިޔެ
އިރާނުން ޔަމަނަށް އަސްކަރީ ސާމާނު ފޮނުވުން ވަގުތުން ހުއްޓާލަން ޓްރަމްޕް ގޮވާލައިފި

ޑޮނަލްޑް ޓްރަމްޕް/ފޮޓޯ: އެންޕީއާރ
އިރާނުން ޔަމަނަށް އަސްކަރީ ސާމާނު ފޮނުވުން ވަޤުތުން ވަޤުތަށް ހުއްޓާލުމަށް އެމެރިކާގެ ރައީސް ޑޮނަލްޑް ޓްރަމްޕް ގޮވާލައިފިއެވެ.
އިރާނުން ގެންދަނީ ޔަމަނުގައި އެމެރިކާއާ ދެކޮޅަށް ޙަރަކާތްތެރިވަމުންދާ ހޫޘީންނަށް އަސްކަރީ ސާމާނު ފޯރުކޮށްދެމުންނެވެ.
ސޯޝަލް މީޑިއާއަށް ދޫކޮށްލި ޕޯސްޓެއްގައި ޓްރަމްޕް ބުނީ، އެމެރިކާއިން ހޫޘީންނާއި ދެކޮޅަށް ދޭ ހަމަލާތައް ކުރިއަށް ވުރެ ވަރުގަދަވާނެ ކަމަށެވެ. ހަމަ އެހެންމެ، މި ހަމަލާތައް އިތުރަށް ގޯސްވެ، ހޫޘީން އެއްކޮށް ނައްތާލަނެކަމަށް ވެސް ޓްރަމްޕް ވަނީ ބުނެފައެވެ. އެހެންކަމުން، މި ހަނގުރާމާގައި އިރާނުން މިހާރުން މިހާރަށް ހޫޘީންނަށް އަސްކަރީ ސާމާނު ފޮނުވުން ހުއްޓާލަންޖެހޭ ކަމަށް އޭނާ ވަނީ ބުނެފައެވެ.
މީގެ އިތުރުން، ޑޮނަލްޑް ޓްރަމްޕް ބުނީ، ޔަމަނުގައި ހަރަކާތްތެރިވާ ހޫޘީން އަމިއްލައަށް ހަނގުރާމަ ކުރަން ދޫކޮށްލަން ޖެހޭ ކަމަށެވެ. އަދި ޔަމަނަށް ކޮންމެ ބަޔަކު އެހީތައް ފޯރުކޮށްދިން ކަމުގައި ވިޔަސް އެމީހުން ވާނީ ބަލިކަމަށް ޓްރަމްޕް ވަނީ ބުނެފައެވެ. އަދި އިރާނުން ހޫޘީންނަށް އަސްކަރީ ސާމާނު ފޮނުވުން ނުހުއްޓައިފިނަމަ، ހޫޘީން މާ އަވަހަށް ބަލިކޮށްލާނެ ކަމަށް ވެސް އޭނާ ވަނީ ބުނެފައެވެ.
މީގެ ކުރިން ވެސް ޑޮނަލްޑް ޓްރަމްޕް ވަނީ، އިރާނުގައި ހަރަކާތްތެރިވާ ހޫޘީން ދެމުން އަންނަ ހަމަލާތަކާއި ގުޅިގެން އިރާނުން ޖަވާބުދާރީވާން ޖެހޭނެ ކަމަށް ބުނެފައެވެ. އަދި ހޫޘީންގެ ޖަމާޢަތަކީ، އިރާނުން ހަދާފައިވާ ޖަމާޢަތެއް ކަމަށާއި އިރާނުން އެމީހުންނަށް އެކި ގޮތް ގޮތުން ބާރުދޭކަމަށް ވެސް ޓްރަމްޕް ބުނެފައިވެއެވެ.