އިމިގްރޭޝަން އޮފިސަރުންތަކެއްގެ ކޮރަޕްޝަން މައްސަލައަކާ ގުޅިގެން ތިން މީހަކު ހައްޔަރުކޮށްފި

އިމިގްރޭޝަން އޮފިސަރުންތަކެއްގެ ކޮރަޕްޝަން މައްސަލައަކާ ގުޅިގެން ތިން މީހަކު ހައްޔަރުކޮށްފިއެވެ.

ފުލުހުން ހާމަކޮށްފައިވާ ގޮތުގައި މި ތަޙުޤީޤު ފަށާފައިވަނީ އިމިގްރޭޝަންގެ ބައެއް މުވައްޒަފުން މަޤާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރިންގެ އަތުން ފައިސާ ނަގަމުންދާކަމުގެ މަޢުލޫމާތު ލިބިގެންނެވެ.

މޯލްޑިވްސް އިމިގްރޭޝަންގެ ބައެއް މުވައްޒަފުން، މަޤާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދަމުންދާކަމުގެ މަޢުލޫމާތު ލިބުމާ ގުޅިގެން މި މައްސަލަ ދިވެހި ފުލުހުންގެ ޚިދުމަތުން މި ގެންދަނީ ތަޙުޤީޤު ކުރަމުންނެވެ.

ފުލުހުން ނެރުނު ބަޔާނުގައި ވެއެވެ.

މި މައްސަލައާ ގުޅިގެން 2025 މާރިޗު 20 ވަނަ ދުވަހުގެރޭ ފުލުހުން އޮޕަރޭޝަނެއް ހިންގާފައިވާކަމަށާއި، މި އޮޕަރޭޝަނުގައި ގެއެއް ބަލާފާސްކޮށް 3 މީހަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް ވެސް ވަނީ ހާމަކޮށްފައެވެ. 

މިފަދަ އޮޕަރޭޝަނެއް ފުލުހުން ހިންގާފައިވާއިރު، އިއްޔެ ވަނީ އިމިގްރޭޝަންގެ ކޮންޓްރޯލަރ ޖެނެރަލް، މުޙައްމަދު ޝަމްޢާން ވަޙީދު ވެސް މަޤާމުން ވަކިކޮށްފައެވެ. ނަމަވެސް ޝަމްޢާންއާ މި މައްސަލައާ އެއްވެސް ގުޅުމެއް އޮތްކަމެއް ފުލުހުން ހާމަކޮށްފައެއް ނުވެއެވެ.

ފުލުހުން ދަނީ މި މައްސަލަ އިތުރަށް ތަޙުޤީޤު ކުރަމުންނެވެ.