ޚަބަރު
ކޮންޓްރޯލަރ ޖެނެރަލްގެ މަޤާމަށް ކުރީގެ ސީޕީ ފަސީޙު އައްޔަންކޮށްފި

ކޮމިޝަނަރ އޮފް ޕޮލިސް (ރިޓަޔަރޑް) އަޙްމަދު ފަޞީޙް ---
ކޮންޓްރޯލަރ ޖެނެރަލް އޮފް އިމިގްރޭޝަންގެ މަޤާމަށް، ކޮމިޝަނަރ އޮފް ޕޮލިސް (ރިޓަޔަރޑް) އަޙްމަދު ފަޞީޙް އައްޔަނުކުރައްވައިފިއެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާނު، ޙީނާ ވަލީދު ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މި މަޤާމަށް ފަސީޙު އައްޔަންކުރެއްވީ ސްޓޭޓް މިނިސްޓަރ ފެންވަރުގައި ކަމަށެވެ.
ކޮންޓްރޯލަރ ޖެނެރަލް އޮފް އިމިގްރޭޝަންގެ މަޤާމަށް ، ސްޓޭޓް މިނިސްޓަރ ފެންވަރުގައި ، ކޮމިޝަނަރ އޮފް ޕޮލިސް (ރިޓަޔަރޑް) އަޙްމަދު ފަޞީޙް ރައީސުލްޖުމްހޫރިއްޔާ ޢައްޔަންކުރައްވައިފި.
ރައީސުލްޖުމްހޫރިއްޔާގެ އޮފީހުގެ ތަރުޖަމާނު، ޙީނާ ވަލީދު ސޯޝަލް މީޑިއާގައި ކުރެއްވި ޕޯސްޓެއްގައި ވެއެވެ.
ފަސީޙް ޕޮލިސް ކޮމިޝަނަރގެ މަޤާމުގައި ހުންނެވީ ރައީސް މުޙައްމަދު ނަޝީދުގެ ވެރިކަމުގައެވެ.
މި މަޤާމުގައި ކުރިން ހުންނެވި މުޙައްމަދު ޝަމްޢާން ވަޙީދު މަޤާމުން ވަކިކޮށްފައިވަނީ އިއްޔެއެވެ.
އަދި މި ދަނޑިވަޅުގައި އިމިގްރޭޝަންގެ އޮފިސަރުންތަކެއްގެ ކޮރަޕްޝަން މައްސަލައެއް ވެސް ފުލުހުން ތަޙުޤީޤު ކުރަމުން އަންނަކަމަށް މިރޭ ވަނީ ހާމަކޮށްފައެވެ. މި މައްސަލާގައި ތިން މީހަކު ވަނީ ހައްޔަރުކޮށްފައެވެ.