Ads by Exprox

ޚަބަރު

ނޮވެންބަރު 3ގެ ހާދިސާއާ ގުޅޭ އެލަވަންސްތަކުގެ އަދަދުތައް މިނިސްޓަރު ހާމަކުރައްވައިފި

ނޮވެންބަރު 3ގެ ހާދިސާއާ ގުޅޭ އެލަވަންސްތަކުގެ އަދަދުތައް މިނިސްޓަރު ހާމަކުރައްވައިފި

ނޮވެންބަރު 3، 1988ގެ އުދުވާނީ ޙަމަލާގައި ޝަޙީދުވި ސިފައިގެ ބޭފުޅުން ---

މިފްތާޙް މުޙައްމަދު

މިފްތާޙް މުޙައްމަދު

22 މާރިޗު 2025، 12:50

22 މާރިޗު 2025، 12:50

ނޮވެމްބަރު، 3، 1988 ގެ އުދުވާނީ ހަމަލާއާ ގުޅިގެން އެ ޚާދިސާގައި ޝަހީދުވި ޢާއިލާތަކަށާއި، އެ ދުވަހު ބޮޑެތި ގުރުބާނީތަކެއްވި ސިފައިންގެ ތެރެއިން މެޑަލްތައް ދީފައިވާ ބޭފުޅުންނަށް އެލަވަންސެއް ދޭން ސަރުކާރުން ނިންމާފައިވާއިރު، އެކަމަށް ޚަރަދުވާ ފައިސާގެ އަދަދުތައް ޑިފެންސް މިނިސްޓަރު މުހައްމަދު ޣައްސާން މައުމޫން ހާމަކުރައްވައިފިއެވެ.

މި އުދުވާނީ ހަމަލާގައި ޝަހީދުވި ސިފައިންގެ އާއިލާގެ ކޮންމެ މީހަކަށް މަހަކު 9،000ރ. ގެ އިނާޔަތެއް ދޭން ސަރުކާރުން ނިންމާފައިވާއިރު، މިކަމަށް މަހަކު ޚަރަދު ވަނީ 261،000ރ. ކަމަށް މިނިސްޓަރު ޣައްސާން މައުމޫން ވަނީ ވިދާޅުވެފައެވެ.

މިނިސްޓަރ ޣައްސާން ވިދާޅުވީ، ނޮވެމްބަރު 3 ގައި ޝަހީދުވި ސިފައިންގެ ތެރޭގައި ހިމެނެނީ 8 ބޭފުޅުން ކަމަށާއި އެ ބޭފުޅުންގެ އާއިލާތަކަށް ދިނުމަށް ސަރުކާރުން ކަނޑައެޅި އެލަވަންސަށް ޝަރުތު ހަމަވާ މިހާރު ތިބީ 29 މީހުން ކަމަށެވެ. އެހެންކަމުން މިކަމަށް މާބޮޑު ހޭދައެއް ކުރަން ނުޖެހޭކަމަށް މިނިސްޓަރު ވަނީ ވިދާޅުވެފައެވެ.

މީގެ އިތުރުން އެ ހާދިސާއާ ގުޅިގެން "މެޑަލް ފޯ އެކްސެޕްޝަނަލް ބްރޭވަރީ" ނުވަތަ އަމިއްލަ ފުރާނަ އަށް ބެލުމެއް ނެތި ދެއްކި ހިތްވަރަށްޓަކައި ރަން މެޑަލް ދީފައިވަނީ ތިން މީހުނަށް ކަމަށާއި، މި ތަނުން ކޮންމެ ބޭފުޅަށް ކޮންމެ މަހަކު 9،000ރ. ދިނުމަށް ނިންމާފައިވާއިރު އެއީ މަހަކަށް 27،000ރ. ކަމަށެވެ.

އަދި "މެޑަލް ފޯ ބްރޭވަރީ" ނުވަތަ "ހުރަވީ ރިހި މެޑަލް" ދީފައި ވަނީ ހަތަރު ބޭފުޅަކަށް ކަމަށް ވާއިރު، އެ ބޭފުޅުންނަށް ދައުލަތުން ކޮންމެ މަހަކު 8،000ރ. ދިނުމަށް ނިންމާފައިވާއިރު އިރު މަހަކަށް 32،000ރ. އެވެ.

ނޮވެމްބަރު 3 ގެ މެޑަލްތަކުގެ ތެރެއިން އެންމެ ގިނަ މެޑަލް ދީފައި ވަނީ "ރިބަން ފޯ ބްރައިވަރީ" ނުވަތަ "ހިތްވަރު ގަދަކަމުގެ ކުލަ" އިގެ ކެޓަގަރީގެ 13 ބޭފުޅަކު ހިމެނޭއިރު މިތަނުން ކޮންމެ ބޭފުޅަކަށް 6،000ރ. ދޭން ނިންމާފައިވާއިރު އެއީ މަހަކަށް 78،000ރ. އެވެ.

އެހެންކަމުން މިކަމަށް ކޮންމެ މަހަކު ޖުމްލަކޮށް ޚަރަދު ވާނީ 398،000ރ. ކަމަށް މިނިސްޓަރު ވަނީ ވިދާޅުވެފައެވެ. 

މި އުސޫލު ގެޒެޓް ކޮށްފައި ހުރި އިރު ވަރަށް ސާފުކޮށް ފެނިވަަޑައިގަންނަވާނެ ޝަހީދުވި ބޭފުޅުންނަށް ބަލަދުއަރާ ބޭފުޅުން ދުނިޔޭގައި ތިއްބެވިހާ ދުވަހަކު ދޭ އެއްޗެއް މިއީ. ދުނިޔެ ދޫކުރެއްވުމުން އެ ހިސާބުން ނިމުނީ. އެގޮތަށް ގެޒެޓް ކުރެވިފައި އޮންނާނީ.

ޑިފެންސް މިނިސްޓަރު މުހައްމަދު ޣައްސާން މައުމޫން ވިދާޅުވިއެވެ.

މިނިސްޓަރ ޣައްސާން ވިދާޅުވީ މިއީ އެހެން ޤައުމުތަކުގައި ވެސް ކަން ކުރަމުން އަންނަ އުސޫލުކަމަށާއި، އަދި މިއީ މުހިންމު ކަމެއް ކަމަށެވެ. 

ޣައްސާން ވިދާޅުވީ އެފަދަ އިނާޔަތެއް ދޭ މައިގަނޑު ސަބަބަކީ ޝަހީދުވި ބޭފުޅުން ގައުމާއި ދީނަށްޓަކައި ހަނގުރާމަ ކުރަން ނުކުމެވަޑައިގެންނެވީ ފުރާނަ ގެއްލިދާނެކަން ގަބޫލު ކުރައްވައިގެން ކަމަށް ވާތީ ކަމަށެވެ.

ނޮވެމްބަރު، 3 ގެ އުދުވާނީ ހަމަލާގައި ޝަހީދުވި ސިފައިންގެ އާއިލާތަކަށް ސަރުކާރުން ކުޑަ އިނާޔަތެއް ދެމުންދިޔަ ނަމަވެސް އެ އިނާޔަތް މެދުކެނޑުނެވެ. ނަމަވެސް އިނާޔަތް ބޮޑުކޮށް، ރައީސް ޑރ. މުހައްމަދު މުއިއްޒު މިވަނީ އެކަން އަލުން ފައްޓަވާފައެވެ.

މި ލިޔުން ކިޔާލުމުން

Ads by MSS