ސާފު ފެން ލިބުމަކީ އަޅުގަނޑުމެންގެ ޤައުމުގެ އެންމެ އިސް އަމާޒުތަކުގެ ތެރޭގައި ހިމެނޭ ކަމެއް: ރައީސް މުޢިއްޒު

ދުނިޔޭގެ ފެނުގެ ދުވަހާ ގުޅިގެން ރައީސް ޑޮކްޓަރ މުޙައްމަދު މުޢިއްޒު ވަނީ ދިވެހި ރައްޔިތުންނާއި ބައިނަލްއަޤްވާމީ ބައިވެރިންނަށް ހޫނު މަރުޙަބާއެއް ދަންނަވާފައެވެ. މިއަހަރުގެ ތީމަކީ "ގްލެސިއަރ ޕްރިޒަރވޭޝަން" ކަމަށްވާއިރު، މޫސުމަށް އަންނަ ބަދަލުތަކާއި، ފެނުގެ ވަސީލަތްތަކުގެ މަދުކަމާއި އަދި އިންސާނުންގެ ނާޒުކުކަމާ ހުރި ގުޅުން އެމަނިކްފާން ފާހަގަކުރައްވާފައިވެއެވެ.

On this #WorldWaterDay I extend my heartfelt greetings to all Maldivians and our global partners. This year’s theme, #GlacierPreservation is a potent reminder of the complex connection between climate change, water resource limitations and human vulnerability. Our commitment to… pic.twitter.com/EzPNU0wf9C

— Dr Mohamed Muizzu (@MMuizzu) March 22, 2025

ރައީސް މުޢިއްޒު އެކްސް ޕްލެޓްފޯމްގައި ކުރެއްވި ޕޯސްޓެއްގައި ވިދާޅުވެފައިވަނީ،މިފަދަ ނާޒުކު ކަންކަމަށް އަޅުގަނޑުމެންގެ އަޒުމް ވަރަށް ވަރުގަދަކަމާއި،  ސާފު ފެން ލިބުމަކީ އަޅުގަނޑުމެންގެ ޤައުމުގެ އެންމެ އިސް އަމާޒުތަކުގެ ތެރޭގައި ހިމެނޭ ކަމެއްކަމަށެވެ.

މީގެއިތުރުން ރައީސް މުޢިއްޒު ގޮވާލައްވާފައިވަނީ ދެމެހެއްޓެނިވި މުސްތަޤުބަލެއް ބިނާކުރުމަށްޓަކައި މާނަހުރި ފިޔަވަޅުތަކެއް އެޅުމަށް އަޒުމް ކަނޑައެޅުމަށެވެ. މިކަމަކީ ޚާއްޞަކޮށް ރާއްޖެ ފަދަ ކުދި ޖަޒީރާ ޤައުމުތަކަށް ވަރަށް މުހިންމު ކަމެކެވެ.

ދުނިޔޭގެ ފެނުގެ ދުވަސް ފާހަގަކުރެވެނީ ކޮންމެ އަހަރެއްގެ މާރިޗު 22 ވަނަ ދުވަހުއެވެ. މި ދުވަހަކީ ސާފު ފެނުގެ މުހިންމުކަމާއި، ފެނުގެ ވަސީލަތްތައް ރައްކާތެރިކޮށް ބެލެހެއްޓުމުގެ މުހިންމުކަން ހަނދާންކޮށްދޭ ދުވަހެކެވެ.