ޚަބަރު
ބޯޓަކުން 6 ކިލޯގެ މަސްތުވާތަކެތި ފެނި 10 މީހަކު ހައްޔަރުކޮށްފި
ފުލުހުންގެ ވެހިކަލެއް. ފޮޓޯ: ފުލުހުން
ބޯޓަކުން 6 ކިލޯގެ މަސްތުވާތަކެތި ފެނި އެތަކެއްޗާ ގުޅުންހުރި 10 މީހަކު ހައްޔަރުކޮށްފިއެވެ.
މިމައްސަލައާއި ގުޅިގެން ހައްޔަރުކޮށްފައިވަނީ 10 ބިދޭސީއެކެވެ. އެއީ އިންޑިއާގެ 7 މީހަކާ އިންޑޮނޭޝިޔާއަށް ނިސްބަތްވާ ތިން މީހެކެވެ.
މިމީހުންގެ ބަންދާއި މެދު ގޮތް ނިންމަން އިއްޔެ ކްރިމިނަލް ކޯޓަށް ހާޒިރުކުމުން، އެކޯޓުން މީގެ ތެރެއިން ފަސް މީހެއްގެ ބަންދަަށް ފަސް ދުވަސް ދީފައިވެއެވެ. އަދި އަނެއް ފަސް މީހުންގެ ބަންދަަށް އެއް ދުވަސް ވަނީ ދީފައެވެ.
މި މީހުންނާ ގުޅޭ ބަންދު އަމުރުގައި ވަނީ ކުށުގެ ވެއްޓަށް ދިޔަ ފުލުހުންގެ ބަޔާނުން މި މީހުން ތިބި ބޯޓުން ހަތް ކިލޯގެ މަސްތުވާތަކެތި ފެނިފައިވާ ކަމަށް ބުނެފައެވެ.
މި މައްސަލައާއި ގުޅޭ އިތުރު މަޢުލޫމާތު ކަމާ ގުޅުން ހުރި އިދާރާތަކުން އަދި ހާމަކޮށްފައި ނުވާއިރު، އެއީ ކޮން ޤައުމެއްގެ ބޯޓެއްކަންވެސް ހާމަކޮށްފައެއް ނުވެއެވެ. އަދި މި ކަމާގުޅޭ ތަފްސީލެއްވެސް ނޭނގެއެވެ.
