Ads by Exprox

ޚަބަރު

ގެވެށި އަނިޔާ ލިބޭ ފަރާތްތަކަށް ޚާއްސަ ޝެލްޓަރ އެއް ޤާއިމްކުރަނީ

ގެވެށި އަނިޔާ ލިބޭ ފަރާތްތަކަށް ޚާއްސަ ޝެލްޓަރ އެއް ޤާއިމްކުރަނީ

އައްޑޫ ސިޓީ ހިތަދޫ

ޙަސްނާ އަޙްމަދް

ޙަސްނާ އަޙްމަދް

22 މާރިޗު 2025، 02:36

22 މާރިޗު 2025، 02:36

ގެވެށި އަނިޔާ ލިބެ ފަރާތްތަކަށް ޚާއްސަ ޝެލްޓަރ އެއް އައްޑޫ ސިޓީ ގައި ޤާއިމްކުރަން ސަރުކާރުން ނިންމައިފިއެވެ. 

މި ޝެލްޓަރ ނުވަތަ ހިޔާ ޤާއިމްކުރަން ހަމަޖެހިފައިވަނީ އައްޑޫ ސިޓީގެ ހިތަދޫގައެވެ. މި މަޝްރޫޢު ކުރިއަށް ގެންދިޔުމަށް ހަމަޖެިހފައިވަނީ އޭޝިއަން ޑިވެލޮޕްމަންޓް ބޭންކް (އޭޑީބީ)ގެ އެހީގައި ހިންގާ ސްޓްރެންތެނިންގ ޖެންޑަރ އިންކްލޫސިވް އިނިޝިއޭޓިވް ޕްރޮޖެކްޓުގެ ދަށުންނެވެ.

މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން މިކަމާގުޅިގެން  ކުރި އިޢުލާނެއްގައި ބުނެފައިވާ ގޮތުން، މި މަޝްރޫއުގެ މަސައްކަތް ކޮށްދޭނެ ފަރާތެއް ހޯދުމަށް ބީލަން ހުޅުވާލާފައިވަނީ ޝަރުތު ހަމަވާ ހުރިހާ ފަރާތްތަކަށެވެ. 

މި ބީލަމަކީ އޯޕަން ކޮމްޕެޓިޓިވް ބިޑިންގ (އޯ.ސީ.ބީ) އުސޫލުގެ މަތިން، ސިންގަލް ސްޓޭޖް ވަން އެންވެލޮޕް އުސޫލުން ކުރިއަށް ގެންދެވޭ ބީލަމެކެވެ.

ބީލަމުގައި ބައިވެރިވުމަށް ޝައުގުވެރިވާ ފަރާތްތަކުން 1,500 ރުފިޔާ ނުވަތަ 100 ޔޫއެސް ޑޮލަރުގެ ނަން-ރިފަންޑަބަލް ރަޖިސްޓްރޭޝަން ފީއެއް ދައްކަންޖެހޭނެއެވެ. އޮންލައިން ޕޭމަންޓް ޕޯޓަލް - ބަންޑޭރީ ޕޭ https://bandeyripay.finance.gov.mv/މެދުވެރިކޮށް ނުވަތަ ކަނޑައެޅިފައިވާ ބޭންކް އެކައުންޓަކަށް އިލެކްޓްރޯނިކް ޓްރާންސްފަރ މެދުވެރިކޮށް، ފައިސާ ދެއްކޭނެކަމަށް ވުޒާރާގެ އިޢުލާނުގައި ބުނެފައިވެއެވެ.

ބީލަން ހުޅުވުމަށް ހަމަޖެހިފައިވަނީ އެޕްރީލް 28 ވާ ހޯމަ ދުވަހުގެ ހެނދުނު 10:00 ގައި މާލީ ވުޒާރާގެ ނެޝަނަލް ޓެންޑަރ ޑިޕާޓްމަންޓުގެ ޖަލްސާކުރާ މާލަމުގައި ކަމަށް ވުޒާރާގެ އިޢުލާނުގައި ބުނެފައިވެއެވެ.

މި މަޝްރޫއުކުރިއަށް ގެންދާނީ ޢިމާރާތްކުރުމާ ގެދޮރުވެރިކަމާ ބިނާރާބެހޭ ވުޒާރާގެ ޢިމާރާތްކުރުމުގެ ޢަމަލީ މަސައްކަތްކުރާުރާފަރާތްތަކުގެ ޤަވާއިދު އަދި އިޤްތިޞާދީ ތަރައްޤީއާ ބެހޭ ވުޒާރާގެ ފޮރިން ޑައިރެކްޓް އިންވެސްޓްމަންޓް ޕޮލިސީއާ އެއްގޮތްވާ ގޮތުގެ މަތިންނެވެ.

މި ހިޔާ އެޅުމުގެ މަޝްރޫޢަކީ އިޖުތިމާއީ އަދި ޢާއިލީ ތަރައްޤީއާ ބެހޭ ވުޒާރާގެ ބޭނުމަށް ކުރިއަށް ގެންދެވޭ މަޝްރޫއެކެވެ. 

ގެވެށިއަނިޔާގެ މައްސަލަތަކަކީ ރާއްޖޭގައި ގިނަޢަދަދަކަށް ރިޕޯޓް ކުރެވޭ މައްސަލަތަކަކަށްވާއިރު، މި ފަދަ މައްސަލަތަކުގައި އަނިޔާލިބޭ މީހުންނަށް ރައްކާތެރި މާހައުލެއް ނުވަތަ ސޭފް ހައުސް އެއް ގާއިމްކުރެވުމަކީ މިފަދަ މައްސަލަތަކުގައި އަނިޔާލިބޭ ފަރާތްތަކަށް ލިބޭނެ ވަރަށްބޮޑު ލުއިފަސޭހައަކަށް ވާނެއެވެ. 

މި ލިޔުން ކިޔާލުމުން

Ads by MSS