ޣައްޒާގެ ހޮސްޕިޓަލްތަކުގައި ޞިއްޙީ މަސައްކަތްތެރިން ކުރިމަތިލާންޖެހޭ ނާޒުކު ހާލަތު

އިޒްރޭލުގެ ހަމަލާތައް އަލުން ފެށުމާ ގުޅިގެން، ޣައްޒާގެ ނާސަރު ހޮސްޕިޓަލަށް ގިނަ އަދަދެއްގެ ޒަޚަމްވެފައިވާ މީހުން ގެނެވިފައިވާ ކަމަށް އެ ހޮސްޕިޓަލުގެ ޞިއްޙީ މަސައްކަތްތެރިން މަޢުލޫމާތު ދީފިއެވެ. މަދު ވަސީލަތްތަކާއެކު ގިނަ އަދަދެއްގެ މީހުންނަށް ފަރުވާދިނުމުގައި ދަތިތަކާ ކުރިމަތިވެފައިވާ ކަމަށާއި، އެންމެ އިސްކަންދޭންވީ ބަލިމީހުން ކަނޑައެޅުމަކީ ގޮންޖެހުންތަކެއް ހުރި ކަމެއްކަމުގައި އެ ފަރާތްތަކުން ފާހަގަކުރެއެވެ.

އިނގިރޭސިވިލާތުގެ ސަރޖަން ޑރ. ސަކީބް ރޮކަޑިޔާ ވިދާޅުވި ގޮތުގައި ހޮސްޕިޓަލަށް ގެނެވުނު މީހުންގެ ތެރޭގައި ގިނައީ ކުޑަކުދިންނާއި، ޒުވާނުންނާއި، އަންހެނުންނާއި އަދި އުމުރުން ދުވަސްވީ މީހުންނެވެ. އޭނާއާއި އެހެން ޑޮކްޓަރުން ފަރުވާދިން މީހުންގެ ތެރޭގައި ސިކުނޑިއަށް ބޮންގޮވުމުން ބުރައިގެންދާ އެތިކޮޅުކޮޅު ވަދެފައިވާ ޅަ އަންހެން ކުއްޖަކާއި، ހިތުގައި ލޯވަޅު ހެދިފައިވާ 6 އަހަރުގެ ފިރިހެން ކުއްޖަކާއި، ގައިގެ ކަށިތައް ބިނދިފައިވާ 29 އަހަރުގެ އަންހެނަކު ހިމެނެއެވެ.

ހޮސްޕިޓަލުގެ ނަރުހެއް ކަމަށްވާ ހަޖް-ހަސަން ވިދާޅުވި ގޮތުގައި އެންމެ ފުރަތަމަ ފަރުވާދޭނީ ކޮން ބަޔަކަށްތޯ އާއި، ކޮން ބައެއްތޯ އޮޕަރޭޝަން ތިއޭޓަރަށް ފޮނުވާނީ، އަދި ކޮން ބައެއްތޯ ސަލާމަތް ނުކުރެވޭނެ ކަމަށް ނިންމާނީ ކަނޑައެޅުމަކީ ވަރަށް އުނދަގޫ ނިންމުމެކެވެ. އަދި މި ނިންމުން ގިނަ ފަހަރު ނިންމަން ޖެހުނު ކަމަށް އޭނާ ވިދާޅުވިއެވެ.

މިތާ ފެންނަމުންދާ ލޭއޮހޮރުވުމާއި، ޢާއިލާތައް މަރާލައި، ގިނަ އަދަދަކަށް މީހުން މަރަމުންދާ މިންވަރު އަހަރެންނަކަށް ނުވިސްނެނޭ މިއީ އަހަރެމެން ދިރިއުޅޭ ދުނިޔެ ކަމަކަށް ޤަބޫލެއް ނުކުރެވޭ

 ހަޖް-ހަސަން