ދުނިޔެ

އިޒްރާއިލުން ވައިގެ ހަމަލާތައް ލުބްނާނަށް

އިޒްރާއިލުން ވައިގެ ހަމަލާތައް ލުބްނާނަށް

ލުބްނާންގެ ސަރަހައްދަކަށް އަމާޒުކޮށް އިޒްރާއިލުން ހަމަލާދީފައި

ޙަސްނާ އަޙްމަދް

ޙަސްނާ އަޙްމަދް

23 މާރިޗު 2025، 01:07

23 މާރިޗު 2025، 01:07

އިޒްރާއިލުން ވައިގެ މަގުން ލުބްނާނަށް ހަމަލާދޭން ފަށައިފިއެވެ. 

ޣައްޒާއަށް އިޒްރާއިލުން ހަމަލާތައް ދެމުންދަނިކޮށް އިޒްރާއިލަށް އަމާޒުކޮށް މިސައިލް ހަމަލާތަކެއް ވަނީ ދީފައެވެ. ނަމަވެސް ހިޒްބުﷲ އިން ވަނީ އެހަމަލާތައް ދިނީ އެޖަމާއަތުން ނޫން ކަމަށްބުނެފައެވެ. އެ ޖަމާއަތުން ބުނެފައިވަނީ ލުބުނާނުގެ ދެކުނުން އިޒްރާއިލްގެ އުތުރަށް ދެމުންދާ ސިލްސިލާ ރޮކެޓް ހަމަލާތަކުގައި އެޖަމާއަތުގެ އެއްވެސް ބައިވެރިވުމެއް ނެތް ކަމަށެވެ.

ނަމަވެސް އެހަމަލާތަކަށް ރައްދުދިނުމަށް ކަމަށްބުނެ އިޒްރާއީލުން މި ހަމަލާތަކަށް ރައްދުދީފައިވަނީ އާޓިލަރީ ބަޑިއާއި ލުބުނާނުގެ ދެކުނަށް ވައިގެ މަގުން ދިހައަކަށްވުރެ ގިނަ ހަމަލާދީފައިވެއެވެ.

ހިޒްބުﷲއިން ބުނެފައިވަނީ އިޒްރާއިލަށް އަމާޒުކޮށް ފޮނުވި އެއްވެސް ހަމަލާއެއްގެ ޒިންމާ ހިޒްބުﷲ އިން ނުނަގާ ކަމަށެވެ. ފާހަގަކޮށްލަން ޖެހޭ ކަމަކީ އެހެން އެއްވެސް ޖަމާއަތަކުންވެސް އެހަމަލާތަކުގެ ޒިންމާ ނަގަައިފައިނުވާ ކަމެވެ.

ހިޒްބުﷲ އިން ނެރުނު ބަޔާނުގައި އިތުރަށް ބުނެފައިވަނީ އިޒްރާއީލުން ވައިގެ ހަމަލާތައް އަލުން ފެށުމަށް ބަހަނާއެއް ދައްކާކަމަށް ތުހުމަތުކޮށްފައެވެ. އިޒްރާއިލާއި ހިޒްބުﷲ އާއި ދެމެދުގައި ވަނީ ހަނގުރާމަ ހުއްޓާލުމުގެ އެއްބަސްވުމެއްގައި ނޮވެމްބަރު މަހު ސޮއިކޮށްފައެވެ. 

އިޒްރާއިލުން ލުބްނާނަށް ދެމުންދާ ހަމަލާތަކުގައި މިހާތަނަށް 5 މީހަކު ޝަހީދުވެފައިވެއެވެ. އޭގެތެރޭގައި ކުޑަކުއްޖަކުވެސް ހިމެނެއެވެ. 

މިހަމަލާތައް ލުބްނާންގެ އެކި ސަރަހައްދުތަކަށް އަމާޒުކުރަމުންދާއިރު އިޒްރާއިލުން ބުނެފައިވަނީ އިޒްރާއިލުން ލުބްނާނަށް ދެމުންދާ ހަމަލާތައް އަދި ނުނިމޭކަމަށާއި ކުރިއަށް އޮތް ވަގުތު ތަކުގައި އިތުރު ހަމަލާތައް އަމާޒުކުރާނެ ކަމަށެވެ. 

މި ލިޔުން ކިޔާލުމުން

Ads by MSS