ރަހަފަތް
ފެޝަން ފްރުޓް ޓްރައިފަލް: ހުތް އަދި ފޮނި ރަހަ ބެލެންސްކޮށްލަން މިއީ އެއްވަަނަ
ފެޝަން ފްރުޓް ޓަރައިފަލް ފޮޓޯ:ފަރުދުން
ފެޝަން ފްރުޓް ޓްރައިފަލް
ފެޝަން ފުރުޓް ނުވަތަ ދިވެހީންގެ ޤައުމީ މޭވާ ކަމުގައި ބުނެވޭ ޖުމްހޫރީ މޭވާ އަކީ ތަފާތު ގިނަ ވިޓަމިން އަދި އެހެނިހެން ފައިދާ ހުރި މާއްދާ އެކުލެވޭ މޭވާއެއް. ފެޝަން ފްރުޓް ބޭނުންކޮށްގެން ފޮނިއެއްޗެއް ތައްޔާރުކޮށްލުމަކީ މީރު ރަހައިގެ އިތުރުން ހަށިގަނޑަށްވެސް ކޮންމެސް ވަރެއްގެ ފައިދާއެއް ގެނުވައިދޭނެ އެއްޗެކެވެ.
ބޭނުންވާ ތަކެތި:
1 ދަޅު ގެރިކިރު
1 ޕެކެޓް ވިޕިންގް ކްރީމް
2 ސައިސަމްސާ ވެނީލާ އެސެންސް
1 ފެޝަން ފްރުޓް
1 ޖޯޑު ފުލްކްރީމް މިލްކް
1 ޕެކެޓް މާރީ ބިސްކޯދު
ތައްޔާރުކުރާނެ ގޮތް:
އެންމެ ފުރަތަމަ ވިޕިންގ ކްރީމް ކޮޅު ރަނގަޅަށް ވިޕް ކޮށްލާށެވެ. ރަނގަޅަށް ވިޕް ކޮށް ނިމުމުން ވިޕް ކްރީމް ތެރެއަށް ގެރިކިރު ދަޅުގެ އެއްބައި އަޅާލުމަށްފަހު ރަނގަޅަށް މަޑުމަޑުން އެއްކޮށްލާށެވެ. އެއްކުރާއިރު ހޭންޑް މިކްސަރ ނުވަތަ ސްޕެޓިއުލާއެއް ބޭނުންކޮށްގެން އަތުންވެސް މިކްސް ކުރެވިދާނެއެވެ.
ގެރިކިރު ރަނގަޅަށް އެއްކޮށްލުމަށްފަހު ވެނީލާ އެސެންސް ކޮޅު އެޅުމަށްފަހު އަނެއްކާވެސް މަޑުމަޑުން އެއްކޮށްލާށެވެ. އޭރުން ފިލިންގް ތައްޔާރުކޮށް ނިމުނީއެވެ.
އެއަށްފަހު ރީތި ތައްޓެއްގައި ބިސްކޯދު ތަކާއި ވިޕްކްރީމް ބޭނުންކޮށްގެން ލޭޔަރ ކުރަން ފަށަންވީއެވެ. ލޭޔަކުރުމަށް ރީތި ކުދި ތަށި ނުވަތަ ބޮޑު ތައްޓެއްވެސް ބޭނުން ކުރެވިދާނެއެވެ.
ލޭޔަރ ކުރުމަށް ފުލްކްރީމް މިލްކް ކޮޅު ހޫނުކޮށްލުމަށްފަހު ނުވަތަ ހޫނު ނުކޮށްވެސް މާރީ ބިސްކޯދު ފޯކުރުމަށް ބޭނުންކުރެވިދާނެއެވެ. ތަށި ތެރެއަށް ފިލިންގް ގެ އެތިކޮޅެއް އެޅުމަށްފަހު ބިސްކޯދު ފޯކުރުމަށްފަހު ފިލިނގް ލޭޔަރ މަތީގައި ރީތިކޮށް އަތުރާލާށެވެ. ބިސްކޯދު ލޭޔަރ ގެމައްޗަށް އަނެއްކާވެސް ވިމްކްރީމްގެ ފިލިންގ ލޭޔަރއެއް އެޅުމަށްފަހު އޭގެ މަތީގައި ބިސްކޯދު ލޭޔަރއެއް އަތުރާލާށެވެ. މިގޮތަށް ތަށީގެ ބޮޑުކުޑަމިނަށް ބަލާފައި ދޭއް ނުވަތަ ތިން ލޭޔަރވެސް ހެދިދާނެއެވެ. އެންމެ މަތީ ލޭޔަރ އަށް ވިޕްކްރީމް އެޅުމަށްފަހު އޭގެ މައްޗަށް ފެޝަން ފްރުޓްކޮޅު އަޅާލުމުން ފެޝަން ފްރުޓް ޓަރައިފަލް ތައްޔާރު ކޮށްނިމުނީއެވެ.
ފެޝަން ފްރުޓް ޓަރައިފަލް އަކީ ހުތް ފޮނި ރަހަތަކަށް ލޯބިކުރާ ފަރާތްތަކަށް ނުވަތަ އާންމު ކޮށް ބޭނުންކުރާ ޗޮކްލެޓް ނުވަތަ ވެނީލާގެ ރަހަތަކުގެ ބަދަލުގައި އާރަހައެއް ރޯދަ ވިއްލައިގެން އަޖުމަ ބަލާލުމަށް ބޭނުންވާ ފަރާތްތަކަށް ވަރަށް ފަސޭހައިން ތައްޔާރުކޮށްލެވޭނެ މީރު ޑެޒަރޓްއެކެވެ.