އިސްތަންބޫލްގެ މޭޔަރ އިމާމޮގްލޫ ޝަރީއަތް ނިމެންދެން ޖަލަށްލުމަށް ތުރުކީގެ ކޯޓުން އަމުރުކޮށްފި

އިސްތަންބޫލްގެ މޭޔަރ އެކްރެމް އިމާމޮގްލޫގެ މައްޗަށް ކުރެވިފައިވާ ކޮރަޕްޝަންގެ ތުހުމަތުތަކުގެ ޝަރީޢަތް ނިމެންދެން ޖަލަށްލުމަށް ތުރިކީވިލާތުގެ ކޯޓުން އަމުރުކޮށްފިއެވެ.

ތުރުކީގެ ކޯޓަކުން އިސްތަންބޫލްގެ މޭޔަރު އިމާމޮގްލޫ ކޮރަޕްޝަންގެ ތުހުމަތުގައި ޝަރީއަތް ނިމެންދެން ޖަލަށްލުމަށް ޙުކުމްކޮށްފައިމިވަނީ، އެމައްސަލައާއި ގުޅިގެން އޭނާ ހައްޔަރުކުރުމުން އެކަމާއި ދެކޮޅަށް އެ ޤައުމުގެ ގިނަ ބަޔަކު އަޑުއުފުލާ މުޒާހަރާކުރާތާ ދުވަސްކޮޅެއްފަހުންނެވެ.

ކޯޓުން ބުނެފައިވަނީ ކޮރަޕްޝަންގެ ތަހުޤީޤެއްގެ ތެރެއިން އިމާމޮގްލޫ އާއި މަދުވެގެން 20 މީހަކު ޖަލަށްލާފައިވާ ކަމަށެވެ. އަދި މީގެއިތުރުން ޓެރަރިޒަމާ ގުޅުން ހުރި މައްސަލައެއް ތަހުޤީޤު ކުރަމުންދާކަމަށާއި މިކަކުގައި އަދި ވަކި ހުކުމެއް އަދި ނެރެފައި ނުވާނެކަމަށެވެ.

އިމާމޮގްލޫ އަކީ ތުރުކީވިލާތުގެ އިދިކޮޅު މުހިއްމު ފަރާތެކެވެ. އަދި ގިނަ ދުވަސްތަކެއް ވަންދެން ރައީސްކަން ކުރައްވާފައިވާ ރަޖަބް ތައްޔިބު އުރުދުޣާން އަށް ގޮންޖަހާނެ ކަމަށް ގިނަ ބަޔަކު ޤަބޫލްކުރާ ފަރާތެކެވެ. ބުދަ ދުވަހު ސަރުކާރުން އިމާމޮގްލޫ ބަންދުކޮށްފައި ވަނީ ކޮރަޕްޝަނާއި "ޓެރަރިޒަމް" ގެ ތުހުމަތުގަ އެވެ.

އިމާމޮގްލޫ ވަނީ އެއީ "ސްމީއާ ކެމްޕޭނެއް" ގެ ބައެއްގެ ގޮތުގައި ސިފަކޮށް ހުރިހާ ދައުވާއެއް ދޮގުކޮށްފަ އެވެ.

އިމާމޮގްލޫގެ އެކުވެރިއެއް ކަމަށްވާ އަންކާރާގެ މޭޔަރު މަންސޫރު ޔަވާސް ނޫސްވެރިންނާ ވާހަކަ ދައްކަވަމުން ވިދާޅުވީ ޖަލަށްލުމަކީ ޝަރުއީ ނިޒާމަށް ލިބުނު ބަދުނާމެއް ކަމަށެވެ.

އިމާމޮގްލޫ ޝަރީއަތުގެ ކުރިން ބަންދުކުރުމަށް ކޯޓުން ނިންމީ މައި އިދިކޮޅު ރިޕަބްލިކަން ޕީޕަލްސް ޕާޓީ (ސީއެޗްޕީ) އާއި ޔޫރަޕްގެ ލީޑަރުންނާއި ދިހަހާސް މުޒާހަރާގެ ބައިވެރިން ދަނީ އިމާމޮގްލޫއާއި ދެކޮޅަށް ހިންގި އަމަލުތަކަކީ ސިޔާސީ އަމަލުތަކެއް ކަމަށް ބުނެ ފާޑުކިޔުމުންނެވެ.

ތުރުކީވިލާތުގެ ސަރުކާރުން ވަނީ އެކަންކަމަކީ ސިޔާސީ ގޮތުން ކުރާ ކަމެއް ކަމަށް ބުނާ ބުނުން ދޮގުކޮށްފައެވެ.