ދެމީހަކު ފުރުން މަނާކޮށް ކުރީގެ ކޮންޓްރޯލަރ އާއިލާގެ މެމްބަރެއްގެ ފޯނު ހިފަހައްޓައިފި

އިމިގްރޭޝަންގެެ ތެރެއިން ފާހަގަވި ކޮރަޕްޝަންގެ މައްސަލައާއި ގުޅިގެން ދެމީހަކު ފުރުން މަނާކޮށް ކުރީގެ އިމިގްރޭޝަން ކޮންޓްރޯލަރ މުޙައްމަދު ޝަމްޢާން ވަހީދުގެ އާއިލާގެ މެމްބަރެއްގެ ފޯނު ފުލުހުން ހިފަހައްޓައިފިއެވެ. 

ފުލުހުން ބުނެފައިވަނީ މޯލްޑިވްސް އިމިގްރޭޝަންގެ ބައެއް މުވައްޒަފުން މަޤާމުގެ ނުފޫޒު ނަހަމަ ގޮތުގައި ބޭނުުންކޮށް ބިދޭސީ މަސައްކަތްތެރިންގެ އަތުން ނާޖާއިިޒް މަންފާ ހޯދަމުންދާ ކަމަށްތުހުމަތު ކުރެވޭ މައްސަލައާއި ގުޅިގެން ކޯޓު އަމުރެއްގެ ދަށުން ދެމީހަކު ފުރުން މަނާކޮށްފައިވާ ކަަމަށެވެ.

މީގެއިތުރުން ކުރީގެ އިމިގްރޭޝަން ކޮންޓްރޯލަރ ޝަމްޢާންގެ އާއިލާގެ މެމްބަރެއްގެ ފޯނު ކޯޓު އަމުރެއްގެ ދަށުން ހިފަހައްޓައިފައިވާ ކަމަށެވެ. 

އިމިގްރޭޝަންގެ ތެރެއިން ފެންމަތިވި ކޮރަޕްޝަންގެ މައްސަލައާއި ގުޅިގެން ކުރީގެ ކޮންޓްރޯލަރ ޝަމްއާން ތަޙުޤީޤަށް ބަންދުކޮށްފައިވެއެވެ. ޝަމްއާންގެ އިތުުރުން އިމިގްރޭޝަންގެ އިތުރު 3 އޮފިސަރަކުވެސް ބަންދުކޮށްފައިވެއެވެ.