މާފުށީ ޖަލުގައި ޒުވާނަކު ދަންޖެހިގެން މަރުވެއްޖެ

މާފުށީ ޖަލުގައި ހުކުމް ތަންފީޒު ކުރަމުން ދިޔަ ޒުވާނަކު ދަންޖެހިގެން މަރުވެއްޖެއެވެ.

މޯލްޑިވްސް ކަރެކްޝަނަލް ސާރވިސަސްއިން ހާމަކޮށްފައިވާ ގޮތުގައި އޭނާ މަރުވެފައިވަނީ މިއަދުގެ ހަވީރު 4:20 ހާއިރެވެ.

ސ. މަރަދޫ، ފޯރ ފްލާވާރ، އުމުރުން 23 އަހަރުގެ އިބްރާޙިމް ޝަމްވީލް ޖަލަށް ލެވުނީ މީހެއްގެ ފުރާނައަށް ގެއްލުމެއް ދީފާނެކަމުގެ ބިރުދައްކާ އެފަދަކަމެއް ކޮށްފާނެ ކަމުގެ ކުށުގައެވެ. އަދި އޭނާގެ ޖަލު ހުކުމުގެ މުއްދަތަކީ 1 އަހަރާއި 6 މަސް ދުވަހެވެ. 

ކަރެކްޝަންސްއިން ހާމަކޮށްފައިވާ ގޮތުގައި އޭނާ ދަންޖެހިފައި ހުރިތަން ފެނުމާއެކު، އޭނާ ވަނީ ވަގުތުން މާފުށީ ހޮސްޕިޓަލަށް ގެންގޮސްފައެވެ. އަދި 4:55 ގައި އިބްރާހިމް ޝަމްވީލް ނިޔާވެފައިވާކަމަށް ޑޮކްޓަރު ވަނީ ކަނޑައަޅާފައިވާކަމަށް ވެސް އެ އިދާރާއިން ހާމަކޮށްފައިވެއެވެ.