ޚަބަރު
ރާއްޖޭގެ ޑިވަލޮޕްމެންޓް ބޭންކުގެ އެމްޑީ އިސްތިއުފާ ދީފި

މރ. ނޮއެލް ގްރެގަރ ޕެޓަރސަން-ޖޯންސް
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ މެނޭޖިންގ ޑިރެކްޓަރު އަދި ޗީފް އެގްޒެކްޓިވް އޮފިސަރ ކަމުގެ މަޤާމުގައި ހުންނެވި މރ. ނޮއެލް ގްރެގަރ ޕެޓަރސަން-ޖޯންސް އިސްތިއުފާ ދެއްވައިފިއެވެ.
މިކަމާބެހޭ ގޮތުން ޕްރައިވަޓައިޒޭޝަން އެންޑް ކޯޕަރަޒޭޝަން ބޯޑުން ބުނެފައިވަނީ މރ.ނޮއެލް ގްރެގަރ އިސްތިއުފާ ދެއްވުމަށް ހުށަހަޅުއްވާފައިވާތީ، އެ ބޭފުޅާގެ އިސްތިއުފާ ޤަބޫލުކޮށް އެ މަޤާމުން ވަނީ ވަކިކޮށްފައިވާކަމަށެވެ.
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އުފެއްދުމަށް އެމްއެމްއޭ އިން ހުއްދަ ދީފައިވަނީ 13 އޮކްޓޯބަރު 2024ގައެވެ. ރަސްމީކޮށް އެ ބޭންކު އިފްތިތާޙް ކޮށްދެއްވައިފައިވަނީ ރައީސް ޑރ މުޙައްމަދު މުޢިއްޒެވެ. އެއީ 16 ނޮވެމްބަރު 2024ގައެވެ.