މާފުށީ ބަނދަރު ތަރައްޤީ ކުރުމުގެ މަސައްކަތުގެ ބޮޑު އިންސައްތައެއް ނިމިއްޖެ

ކ.މާފުށީ ބަނދަރު ތަރައްޤީ ކުރުމުގެ މަޝްރޫޢުގެ %55.3 ވަނީ ނިމިފައި ކަމަށް ޢިމާރާތްކުރުމާ ގެދޮރުވެރިކަމާ ބިނާރާ ބެހޭ ވުޒާރާއިން ބުނެފިއެވެ.

އެވުޒާރާއިން ބުނެފައިވަނީ އަދާހަމައަށް ބަނދަރުގެ އެއްގަމު ވާޓަރުވަނީ %100 ނިމިފައިކަމަށެވެ.  އަދި މިހާރު ކުރިއަށް ދަނީ ބަނދަރު ފުން ކުރުމުގެ މަސައްކަތް ކަމަށްވެސް އެވުޒާރާއިން ބުނެއެވެ.

މާފުށީ ބަނދަރު ތަރައްޤީ ކުރުމުގެ މަސައްކަތް ކުރިއަށްދަނީ. ފޮޓޯ: އެމްޓީސީސީ

މިމަޝްރޫޢުގެެ އަގަކީ 82،599،660.36 ރުފިޔާއެވެ.

މިމަޝްރޫޢު އެމްޓީސީސީއާއި ހަވާލުކޮށްފައިވަނީ 2023 ވަނަ އަހަރު ޖެނުއަރީ މަހުގެ ތެރޭގައެވެ. އެއީ މިދިޔަ ސަރުކާރުގެ ތެރޭގައެވެ.