މިއަހަރު ޙައްޖު ކިއުގައި ތިބި ހުރިހާ އެންމެންނަށް ޙައްޖަށް ދެވޭނެ: ރަައީސް މުޢިއްޒު

މިހިނގާ 2025 ވަނަ އަހަރުގެ ޙައްޖު ކިއުގައި ތިބި ހުރިހާ އެންމެންނަށްވެސް ޙައްޖުގެ އަޅުކަން އަދާކުރުމަށް ދެވޭނެކަމަށް ރައީސް ޑރ މުޙައްމަދު މުއިއްޒު ވިދާޅުވެއްޖެއެވެ.

ރައީސް މުއިއްޒު އެކްސްގައި ކުރެއްވެވި ޕޯސްޓެއްގައި ވިދާޅުވެފައިވަނީ 2025 ގައި ޙައްޖަށް ދެވޭނެ ކަމަށް ކޯޕަރޭޝަންގެ ކިއުގައި ތިބި އެންމެހައި ފަރާތްތަކަށް މިއަހަރު ޙައްޖަށް ދެވޭނެކަމަށެވެ.

ރައީސް މުޢިއްްޒު ވިދާޅުވީ  މިއީ ޒަމާންތަކަކަށް ފަހު, އެ އަހަރެއްގައި ކިއުގައި ޖެހިފައިތިބި އެންމެނަށް އެ އަހަރު ޙައްޖަށް ދެވޭ ފުރަތަމަ ފަހަރުކަން ފާހަގަކުރައްވާކަމަށެވެ.

2025 ގައި ހައްޖަށް ދެވޭނެ ކަމަށް ކޯޕަރޭޝަންގެ ކިއުގައި ތިބި އެންމެހައި ފަރާތްތަކަށް މިއަހަރު ހައްޖަށް ދެވޭނެ. އިންޝާ ﷲ. އަދި މިއީ ޒަމާންތަކަކަށް ފަހު, އެއަހަރެއްގައި ކިއުގައި ޖެހިފައިތިބި އެންމެނަށް އެއަހަރު ހައްޖަށް ދެވޭ ފުރަތަމަ ފަހަރުކަން ފާހަގަކުރަން.

— Dr Mohamed Muizzu (@MMuizzu) March 23, 2025

ރާއްޖެއަށް ލިބޭ ހުރިހާ ޙައްޖުކޯޓާއެއް މިހާރު ދެނީ ޙައްޖު ކޯޕަރޭޝަނަށެވެ. އެއްވެސް އަމިއްލަ ކުންފުންޏަކަށް ޙައްޖަށް ގެންދިޔުމުގެ ފުރުސަތެއް މިހާރަކު ނުދެއެވެ.