ޓްރަމްޕްގެ ޅީދަރިފުޅާ އޮތް ގުޅުން ޓައިގާރ ވުޑްސް ހާމަކޮށްފި

އެމެރިކާގެ ރައީސް ޑޮނަލްޑް ޓްރަމްޕްގެ ކުރީގެ ޅީދަރިފުޅު، ވެނޭސާ ޓްރަމްޕްއާ އޮތް ގުޅުން ސޯޝަލް މީޑިއާގައި ޓައިގާރ ވުޑްސް ހާމަކޮށްފިއެވެ.

ދުނިޔޭގައި އުފެދުނު ދެވަނައެއް ނެތްފަދަ ގޮލްފް ކުޅުންތެރިޔާ މިކަން ހާމަކުރުމުގެ ގޮތުން ސޯޝަމް މީޑިއާގައި ހާމަކުރި ޕޯސްޓުގައި ވަނީ އެ ދެ މީހުން އެކީގައި ތިބި ފޮޓޯތަކެއް އާންމުކޮށްފައެވެ. އެގޮތުން ދެމީހުން ކޮޅަށް ތިބި ފޮޓޯ އަކާއި، އޮށޯވެ ތިބި ފޮޓޯއެއް ޙިއްސާކޮށްފައިވެއެވެ.

މި ފޮޓޯތަކާއެކު ޓައިގާރ ވުޑްސް ލިޔުނު މެސެޖުގައި ބުނެފައިވަނީ، އޭނާ އެންމެ ހިންހަމަ ޖެހެނީ ވެނޭސާ ކައިރީގައި ހުރުމުން ކަމަށާއި، ދިރިއުޅުން ފުރިހަމަ ވާނީ ދެމީހުން އެކީގައިވުމުން ކަމަށެވެ.

ވެނޭސާ ޓްރަމްޕް، 47 އަހަރު، 2005 ވަނަ އަހަރުން ފެށިގެން 2018 އަށް ކައިވެނިކޮށްގެން އުޅެފައިވަނީ ޑޮނަލްޑް ޓްރަމްޕްގެ ދޮށީ ދަރިފުޅާއެވެ. އަދި މި ދެ މީހުންގެ ފަސް ދަރިން ތިބެއެވެ.

އަދި ޓައިގަރ ވުޑްސް ކުރިން ކައިވެނިކޮށްގެން އުޅުނީ ސްވިޑިންގެ އެލިން ނޯޑެގްރެންއާއެވެ. މި ދެ މީހުންގެ ކައިވެނި 2010 ވަނަ އަހަރު ރޫޅުން ވީ، ގިނަ ބަޔަކަށް ހައިރާންކަން ގެނުވި ކަމަކަށެވެ.

Love is in the air and life is better with you by my side! We look forward to our journey through life together. At this time we would appreciate privacy for all those close to our hearts. pic.twitter.com/ETONf1pUmI

— Tiger Woods (@TigerWoods) March 23, 2025

އޭގެ ފަހުން ޓައިގަރ ވުޑްސް ވަނީ އެހެން މަޝްހޫރު ފަރާތްތަކާ ލޯބީގެ ގުޅުން ބާއްވާފައެވެ. އެގޮތުން ސްކީ ކުރުމަށް މަޝްހޫރު އެމެރިކާގެ ލިންސޭ ވޮން އަދި އެރިކާ ހާމާންއާ އޮތް ގުޅުން ފާހަގަކޮށްލެވެއެވެ. އަދި މީގެ ތެރެއިން އެރިކާއާ އޮތް ގުޅުން ނިމުނުއިރު ދެމީހުންގެ ދޭތެރޭގައި ޖެހުނު މައްސަލަތައް ޙައްލުކުރުމަށް ވަކީލުންގެ އެހީތެރިކަން ވެސް ވަނީ ހޯދާފައެވެ.