ފަސޭހައިން ތައްޔާރުކޮށްލެވިދާނެ ގްރީން ޕާސްޓާއެއް

ގްރީން ޕާސްޓާ ވިތު ޗިކަން:

ޕާސްޓާ  އަކީ ދިވެހިންގެ ތެރޭގައި މަޤުބޫލު ކެއުމެކެވެ. އެހެންނަމަވެސް  ޕާސްޓާ  އާންމު ގޮތެއްގައި ތައްޔާރުކޮށް އުޅެނީ ދެގޮތަކަށެވެ. މިފަހަރު މި ގެނެސްދެނީ  ޕާސްޓާ ތަފާތު ގޮތަކަށް ތައްޔާރު ކޮށްލެވިދާނެ ރެސިޕީއެކެވެ. މިއަދު މި ތައްޔާރު ކޮށްލަނީ ގްރީން  ޕާސްޓާ ވިތު ޗިކަން އެވެ.

ބޭނުންވާ ތަކެތި:

2 މޭޒުމަތީ ސަމުސާ ޒައިތޫނު ތެޔޮ

1 ތަށި ބޯންލެސް ކުކުޅުމަސް (ކުދިކޮށް ކޮށާފަ)

6 ޗެރީ ޓޮމާޓޯ 

ބްރޮކޮލީ (ކުދިކޮށް ކޮށާފަ)

ސްޕިނަޗް

2 އޮލިވް

އަސޭމިރުސް

ލޮނު

1 ފިޔާ

3 ލޮނުމެދު (ގާނާފަ)

މިރުސް

1 ޖޯޑު ކުކިން ކްރީމް

2 ޖޯޑު ޕާސްޓާ

1 ސައި ސަމުސާ ޗިލީ ސޯސް 

ތައްޔާރުކުރާނެ ގޮތް:

ޕާސްޓާ ތައްޔާރުކޮށްލުމަށް އެންމެ ފުރަތަމަ ޒައިތޫނި ތެޔޮކޮޅު ތެއްޔަކަށް އަޅާފައި ފިޔާ، ލޮނުމެދުކޮޅު، ސްޕިނިޗް އަދި ބްރޮކޮލީ އަޅާލުމަށްފަހު އެއްކޮށްލާށެވެެ. މި ތަކެތި މަޑުވުމުން މިކްސަރ ކޮށްލުމަށް މިކްސަރ ތައްޓަށް ކުކިން ކްރީމް ކޮޅާއެކު އަޅާ މިކްސް ކޯށްލާށެވެ. މިއީ މި ޑިޝްއަށް ބޭނުންވާ ޕޭސްޓެވެ. 

އެއަށްފަހު ފިޔާ، ލޮނުމެދު އަދި މިރުސްކޮޅު ރަތްކޮށްލާށެވެ. ފިޔާކޮޅު ކުޑަކޮށް ރަތްވުމުން ކުކުޅުކޮޅު އަޅާލަންވީއެެވެ. ތެލީގެ ތެރެއަށް ދެން އަޅާނީ އޮލިވްކޮޅެވެ. އެއަށްފަހު ކުރިން ތައްޔާރުކުރި ޕޭސްޓުކޮޅު އަޅާއެއްކޮށްލާށެވެ. އަދި ރަހަލާވަރަށް ޗިލީސޯސް އަޅާލުމަށްފަހު ލޮނު ހެޔޮވަރުކޮށްލާށެވެ. އަދި ކޮށާފައިހުރި ޓޮމާޓޯ ކޮޅު އަޅާލާށެވެ. މިތަކެތި އެއްކޮށްލުމަށްފަހު ފެނުކައްކާފައިހުރި ޕާސްޓާ އަޅާލުމުން ގްރީން ޕާސްޓާ ވިތު ޗިކަން ތައްޔާރުވީއެވެ.

މިއީ ތައްޔާރުކޮށްލަން ފަސޭހަ "ހެލްތީ ޑިޝް"އެކެވެ. މީރު ޕާސްޓާއެއް ކާލަން ބޭނުން ނަމަ މި ޑިޝް ތައްޔާރުކޮށްލާށެވެ.